विवेक बिंद्रा आणि संदीप माहेश्वरींच्या वादाची चर्चा; पण लोकांना मोटिव्हेट करून कोण किती कमवतं? जाणून घ्या

विवेक बिंद्रा हा देशातला प्रसिद्ध इंटरनॅशनल मोटिव्हेशनल स्पीकर आहे. विवेकचा जन्म एका मध्यमवर्गीय कुटुंबात झाला. त्याने इतरांना प्रेरित करून चांगली कमाई केली. त्याची प्रेरणादायी भाषणं सोशल मीडियावर व्हायरल होतात. विवेक बिंद्राच्या @MrVivekBindra या YouTube चॅनेलवर 21.4 मिलियन सबस्क्रायबर्स आहेत. तो यू-ट्यूबमधून चांगली कमाई करतो. याशिवाय तो बडा बिझनेस प्रायव्हेट लिमिटेड नावाची कंपनी चालवतो. त्यांची कंपनी लोकांना प्रोफेशनल ट्रेनिंग देते. मीडिया रिपोर्ट्सनुसार, विवेक बिंद्राची एकूण संपत्ती 11 मिलियन रुपये म्हणजेच 90 कोटी रुपये आहे. दर महिन्याला तो 40 ते 50 लाख रुपये कमावतो. त्याची वार्षिक कमाई 7 ते 9 कोटी रुपये आहे. त्याच्याकडे दिल्ली, नोएडा, मुंबईमध्ये अनेक रिअल इस्टेट मालमत्ता आहेत.

संदीप माहेश्वरी यांनी कॉलेजचं शिक्षण अर्धवट सोडलं होतं; पण ते कमाईत अनेक बिझनेसमन्सना मागे टाकतात. संदीप यांनी आपल्या करिअरची सुरुवात मॉडेलिंगपासून केली होती. त्यानंतर फोटोग्राफीमध्ये हात आजमावला. त्यांनी 2002मध्ये मॉडेलिंग आधारित कंपनी सुरू केली. परंतु हवं तितकं यश मिळालं नाही. 2006मध्ये त्यांनी इमेजेस बाझारची सुरुवात केली. हे भारतीय फोटोंचं सर्वांत मोठं हब आहे. त्यानंतर त्यांनी यू-ट्यूबवर एंट्री केली आणि मोटिव्हेशनल भाषणं देण्यास सुरुवात केली. त्यांच्या चॅनेलवर त्याचे 3 कोटींहून अधिक सबस्क्रायबर्स आहेत. त्यांच्या कमाईबद्दल बोलायचं झाल्यास त्याची एकूण संपत्ती 4 मिलियन डॉलर म्हणजे जवळपास 33 कोटी रुपये आहे. याशिवाय दिल्लीत त्यांचं 17 कोटींचं घर आहे. संदीप दरमहा 30 ते 40 लाख रुपये कमावतात. त्यांची वार्षिक कमाई 3 ते 4 कोटी रुपये आहे.