Railway Bonus: रेल्वे कर्मचाऱ्यांना मोदी सरकारकडून दिवाळी भेट; यंदाही मिळणार 78 दिवसांच्या पगाराइतका बोनस

गेल्या वर्षी सरकारने एकूण 1832 कोटी रुपयांच्या दिवाळी बोनसचं वाटप केलं होतं. रेल्वेकडून देण्यात आलेल्या माहितीनुसार, 11 लाखांहून अधिक कर्मचाऱ्यांना 17,951 रुपयांचा बोनस देण्यात आला होता.

यंदाच्या बोनसची रक्कम दसरा आणि दिवाळीच्या सुट्ट्यांपूर्वी कर्मचाऱ्यांच्या खात्यात जमा केली जाणार आहे. एवढ्या कर्मचाऱ्यांना बोनस दिल्यामुळे आगामी सणासुदीच्या काळात अर्थव्यवस्थेलाही चालना मिळेल. रेल्वे विभागात सर्व नॉन गॅझेटेड अधिकाऱ्यांना 78 दिवसांच्या वेतनाइतका बोनस दिला जातो. त्याचा हिशेब ग्रुप डीच्या कर्मचाऱ्यांच्या किमान वेतनाच्या आधारावर केला जातो. सध्या सहाव्या वेतन आयोगानुसार, कमीत कमी वेतन 7000 रुपये आहे. त्यामुळे 78 दिवसांचं वेतन अर्थात बोनसची रक्कम सुमारे 18 हजार रुपये आहे.