मित्रांवरुन टोकलं, एकुलत्या एक अल्पवयीन मुलानं थंड डोक्यानं बापालाच संपवलं

या घटनेनं परिसरात खळबळ उडाली. वडिलांनी टोकल्याचा राग इतका भयंकर होता की तळपायाची आग मस्तकात गेली आणि तो मुलगा आणि वडिलांचं नातंच विसरला. त्याने मित्रांसोबत मिळून वडिलांच्या हत्येचा कट आणखला ठरल्याप्रमाणे तो यशस्वी केला. वडिलांना रक्ताच्या थारोळ्यात पाहून त्याच्या मनाला जराही काही वाटलं नसावं का असा प्रश्न ही घटना समजलेल्या प्रत्येकाच्या मनात आहे. वाईट संगतीचा किती गंभीर परिणाम होऊ शकतो याचं हे ज्वलंत उदाहरण आहे.

मुलाच्या आत्महत्येची बातमी ऐकताच, तस्वीर सिंह तात्काळ मुलाला वाचवण्यासाठी शेतात पोहोचले. वडिलांचं मन मुलाला गमवू नये या भीतीनं घाबरलं होतं, पण तिथे आधीच मृत्यूचा सापळा रचलेला होता. तस्वीर सिंह शेतात पोहोचताच, एका साथीदाराने त्यांना बोलण्यात गुंतवले आणि दुसऱ्या साथीदाराने पिस्तुलाने गोळी झाडून त्यांची थंड डोक्याने हत्या केली. सुरुवातीला त्यांच्या भावाने अज्ञात व्यक्तींविरोधात खुनाचा गुन्हा दाखल केला होता. मात्र, पोलिसांनी सखोल तपास केल्यावर या धक्कादायक घटनेचा खुलासा झाला असून, पोलिसांनी मुलाच्या दोन अल्पवयीन मित्रांना अटक केली आहे.