Trending:

IND vs SA: अनाकलनीय, अविश्वसनीय! 5,24,288 पैकी फक्त एकदाच घडू शकते, ते भारतीय टीमसोबत घडले

Published by:Jaykrishna Nair

Last Updated:November 30, 2025 5:18 PM IST

IND vs SA 1st ODI: रांची वनडेमध्ये पुन्हा एकदा भारताने टॉस हरताच क्रिकेटविश्वात खळबळ उडाली. सलग 19 टॉस हरल्याचा हा अजब आणि अविश्वसनीय विक्रम आता आकडेवारीलाही हरवू लागला आहे.

इम्पॅक्ट शॉटतुमचा गेटवे लेटेस्ट न्यूज

रांची: दक्षिण आफ्रिकेविरुद्ध सुरू असलेल्या पहिल्या वनडे सामन्यात एक विचित्र, अविश्वसनीय घटनेची चर्चा क्रिकेट विश्वात सुरू झाली आहे. टीम इंडियासोबत जणू कोणी काही केला आहे का? असा प्रश्न आता सर्व चाहत्यांच्या मनात निर्माण झाला आहे. कारण जे काही भारतासोबत घडत आहे, ते अगदीच अनाकलनीय, अविश्वसनीय आणि एका विचित्र कोड्या सारखं आहे.

भारतीय संघाबाबत ही चर्चा आजची नाही तर बऱ्याच वर्षांपासून बोलली जात आहे. पण रांचीतील मॅचने परिस्थितीचं गांभीर्य पुन्हा एकदा समोर आणलं. काही रेकॉर्ड असे असतात ज्याची कोणतीही अधिकृत कॅटेगरी नसते. इतक नाही तर सांख्यिकी तज्ज्ञही ज्याची मोजदाद करत नाहीत, पण आता हा रेकॉर्ड लोकांच्या मनात कायमसाठी कोरला गेला आहे. टीम इंडियाचा हा ‘विचित्र टॉसचा अजब इतिहास’ कोणी लवकर विसरणार नाही.

इतिहासात कोरली जाणारी ही विचित्र गोष्ट

1951 मध्ये पहिला वनडे खेळल्यानंतरच्या तब्बल 54 वर्षांच्या इतिहासात अशी घटना पहिल्यांदाच घडली आहे. अशी गोष्ट याआधी कधी ऐकली असेल. टीम इंडिया सोबत जे घडत आहे ते कदाचित आता पुन्हा कधी घडणारही नाही. जे होत आहे किंवा जे आधी घडून गेले, ते पुढच्या वेळी कोणत्या संघासोबत, कधी आणि कसे घडेल याची कोणतीही गॅरंटी नाही.

आम्ही ज्या विचित्र घटनेबद्दल बोलत आहोत ती म्हणजे दक्षिण आफ्रिकेविरुद्ध भारत सलग 19 वेळा टॉस हरला आहे. अविश्वसनीय पण हे खरे आहे. गेल्या सलग 19 सामन्यांपैकी भारताने एकदाही टॉस जिंकला नाही. ही घटना जेव्हा गणितीय दृष्टीकोनातून पाहिली जाते तेव्हा हे आकडे तर अजूनच धक्कादायक ठरतात.

The seed was sown for the greatest cricketing legacy here. Mahi's journey began and ended with the legend of Thala in the south. 🐐pic.twitter.com/VjIDRCJFxW

— Pujara’s Kiki (@FlyingSlip_) November 30, 2025

हे गणित तर चकित करणारे

तज्ज्ञांच्या मते, सलग 19 वेळा टॉस हरायची शक्यता जवळपास 5 लाख 24 हजार 288 पैकी फक्त एकदाच घडू शकते. ही शक्यता टक्केवारीत मोजली तर 0.00019% इतकी नगण्य, इतकी अशक्यप्राय आहे. म्हणजे वास्तवात जवळजवळ कधीही न घडणारी ही घटना सलग 19 वेळा भारताच्या वाट्याला आली आहे.

यामुळेच संपूर्ण क्रिकेटविश्व या ‘अजब टॉसच्या घटने’कडे आश्चर्याने आणि अविश्वासाने पाहत आहे. टीम इंडियासाठी हे फक्त नशीब खराब असणं नाही. हे तर आकडेवारीलाही हरवून टाकणारी अविश्वसनीय गोष्ट ठरली आहे.

view comments

Location :

Mumbai,Maharashtra

First Published :

November 30, 2025 5:18 PM IST

IND vs SA: अनाकलनीय, अविश्वसनीय! 5,24,288 पैकी फक्त एकदाच घडू शकते, ते भारतीय टीमसोबत घडले