सिंहगड किल्ल्याची साकारली प्रतिकृती, चिमुकल्यांनी दिला मतदान जनजागृतीचा संदेश

सोलापूर : रांगोळी, कंदिल, फराळ आणि फटाके अशा सर्व गोष्टींप्रमाणेच दिवाळीचं आणखी एक वैशिष्ट्य म्हणजे 'किल्ले' आहे. दिवाळीच्या सुट्ट्या लागल्या की लहान मुलांना वेगवेगळे किल्ले बनवण्याचे वेध लागतात. सोलापुरातील संतोषनगर जुळेमध्ये राहणाऱ्या शालेय विद्यार्थ्यांनी चला मतदान करू या, मतदानाचा हक्क बजावा, भारतीय लोकशाही बळकट करण्याचा संदेश बच्चे कंपनीने सिंहगड किल्ला बनवून दिला आहे. या उपक्रमाचे सर्वत्र कौतुक होत आहे. आदेश गोडसे आणि त्यांच्या शालेय मित्रांनी मिळवून हा किल्ला बनवला आहे. दरवर्षी प्रमाणे यंदा ही किल्ले सिंहगडची प्रतिकृती करून अभिनव संदेश दिला आहे.

आदेश घोडसे वय 15 राहणार संतोषनगर जुळे सोलापूर असे किल्ला बनवलेल्या शालेय विद्यार्थ्यांचे नाव आहे. सिंहगड किल्याची हुबेहुब प्रतिकृती तयार केली आहे. तसेच ह्या वेळेस विधानसभेची निवडणूक असल्याने चला मतदान करुया उज्वल भविष्य घडवूया. मतदान हा आपला अधिकार आहे, आपले मत वाया जाऊ देऊ नका, मतदानाचा हक्क मतदानाच्या दिवशी नक्की बजावा, असा संदेश पण या निमीत्ताने दिला आहे.