Astrology: परिस्थिती आणखी बिकट! मीन राशीत विष योग तयार झाल्यानं 3 राशींच्या जीवनात वादळ, बिग लॉस

चंद्र आणि शनिची विशिष्ट युती होते किंवा जेव्हा या दोन्ही ग्रहांची एकमेकांवर दृष्टी असते तेव्हा असा योग तयार होतो. काल 12 ऑगस्ट रोजी चंद्र आणि शनि मीन राशीत युतीत आले असल्यानं 14 ऑगस्ट रोजी सकाळी 09:06 वाजेपर्यंत त्यांचा अशुभ प्रभाव दिसून येईल. जाणून घेऊ, हा विष योग कोणत्या राशींसाठी हानिकारक ठरू शकतो.

या अशुभ योगामुळे कर्क राशीच्या लोकांनी सावधगिरी बाळगावी. कर्क राशीच्या नवव्या घरात विषयोग तयार झाला आहे. या काळात कोणालाही पैसे उधार देण्याचे टाळावे. याशिवाय, तुम्ही मोठी गुंतवणूक देखील टाळावी कारण या काळात तुम्हाला आर्थिक संकटाचा सामना करावा लागू शकतो.

कर्क राशीच्या लोकांना आरोग्याची विशेष काळजी घेण्याची आवश्यकता असेल. तुमच्या सहकाऱ्यांमध्ये एखाद्या गोष्टीबद्दल गैरसमज होऊ शकतात. ऑफिसच्या राजकारणापासून दूर रहा नाहीतर तुम्ही मोठ्या अडचणीत येऊ शकता.

वृश्चिक राशीच्या लोकांसाठी या योगामुळे धोका निर्माण झाला आहे. वृश्चिक राशीच्या लोकांना आर्थिक नुकसान होण्याची शक्यता आहे, पैशाच्या बाबतीत सावधगिरी बाळगा. तुमच्या आईच्या आरोग्याची काळजी घ्या. या काळात, अधिकाऱ्यांशी किंवा सहकाऱ्यांशी गैरसमज झाल्यामुळे तुमचा गोंधळ होऊ शकतो. सावधगिरी बाळगा आणि कोणतेही काम विचारपूर्वक करा. प्रेमसंबंधात असलेल्यांना या काळात त्यांच्या नात्यात चढ-उतार पहावे लागू शकतात.

धनु राशीच्या लोकांनी आरोग्याची काळजी घ्यावी लागेल, धनु राशीच्या चौथ्या घरात विषयोग निर्माण झाला आहे. यामुळे कामाच्या ठिकाणीही तुमच्यासाठी समस्या निर्माण होऊ शकतात. ऑफिसमध्ये शांत राहा, ऑफिसच्या राजकारणापासून दूर राहा. झोपेचा प्रॉब्लेम सतावू शकतो, ज्यामुळे तुमच्या आरोग्यावर वाईट परिणाम होऊ शकतो. या काळात कोणावरही आंधळेपणाने विश्वास ठेवू नका, अन्यथा तुमचे नुकसान होऊ शकते.

विष योगाचे वाईट परिणाम टाळण्यासाठी ओम नमो भगवते वासुदेवाय किंवा ओम शं शनैश्चराय नमः मंत्राचा किमान 108 वेळा भक्तीभावानं जप करा, गरजूंना दान करा. या काळात शांत राहा आणि राग टाळा.
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)