Mobile Number: मोबाईल नंबरच्या शेवटी हा अंक असणं नोकरी-व्यवसायाला मारक? स्पर्धक खूपच पुढे जातात

अंकशास्त्रानुसार 1 क्रमांकाचा शासक ग्रह सूर्य आहे. सूर्याला ग्रहांचा राजा म्हटले जाते. जे लोक मूलांकाशी संबंधित असतात त्यांच्या व्यक्तिमत्त्वातही सूर्याशी संबंधित गुण उतरलेले असतात. मोबाईल अंकशास्त्रानुसार जाणून घेऊया मोबाईल नंबरच्या शेवटी 1 अंक असण्याचा अर्थ काय असतो.

ज्यांच्या मोबाईल नंबरचा शेवटचा अंक 1 आहे, त्या लोकांना बहुतेकदा पुरुषांकडून कॉल येतात. फोन करणारे फार बोलत नाहीत आणि तुम्हीही त्यांच्याशी फक्त कामाबद्दल बोलता. 1 अंकामुळे तुमचे संभाषण मर्यादित होत असतं. मोबाईल नंबरचा शेवटचा अंक 1 असेल तर या लोकांना इतर लोकांच्या तुलनेत खूप कमी कॉल येतात.

सूर्य हा पुरुष तत्वाचा प्रतिनिधी मानला जातो, त्यामुळे असे गृहीत धरले जाते की, ज्यांच्या मोबाईल नंबरचा शेवटचा अंक 1 आहे, त्यांना पुरुष जास्त कॉल करतात. तुमचा व्यवसाय महिलांवर आधारित असेल, म्हणजेच तुम्ही महिलांशी संबंधित व्यवसाय करत असाल आणि मोबाईल नंबरचा शेवटचा अंक 1 असेल, तर तुमच्या व्यवसायात अडचणी येतील. तुम्हाला चांगल्या ग्राहकांकडून कॉल येणार नाहीत. फोनवरून चांगल्या डील्स होणार नाहीत.

त्याचप्रमाणे तुमच्या व्यवसायासाठी वापरत असलेल्या मोबाईल नंबरचा शेवटचा अंक 1 असेल, तर तुम्हाला फार कॉल्स येणार नाहीत, व्यवसाय जम बसणं अवघड होईल. टेलि मार्केटिंग किंवा ऑनलाइन मार्केटिंगसाठी तर मोबाईल नंबरचा शेवटचा अंक 1 अजिबात नसावा.

ज्या लोकांच्या मोबाईल नंबरचा शेवटचा अंक 1 आहे, त्यांच्याविषयी एक महत्त्वाची गोष्ट म्हणजे त्यांना येणारे कॉल निरुपयोगी नसतात. किंवा वेळखाऊ कोण तुम्हाला कॉल करत नाही. त्यामुळे तुम्ही दुसऱ्या व्यक्तीला त्याच्या भावनांनुसार उत्तर दिलं पाहिजे.

असे मोबाईल नंबर असलेल्या लोकांना सरकार किंवा सरकारी क्षेत्र, प्रशासनाकडून फायदा होण्याची शक्यता असते. पण, या लोकांमध्ये खूप अहंकार असू शकतो आणि यामुळे त्यांचे नुकसान होऊ शकते. सूर्याचा प्रभाव असल्यानं अशा लोकांना इतरांपेक्षा वेगळे दिसण्याचा आणि राहण्याचा अहंकार असतो.
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)