Railway job : रेल्वेत बंपर भरती; परीक्षाचंही टेन्शन नाही, सॅलरीही आहे खास

Indian Railway Recruitment 2023 Notification: ज्या तरुणांना रेल्वेमध्ये जॉब करण्याची इच्छा आहे, अशा सर्वांसाठी नोकरीची सुवर्णसंधी आहे. पूर्व मध्ये रेल्वेच्या रिक्रूटमेंट सेलने त्यांची अधिकृत वेबसाईट rrcecr.gov.in वर शिकाऊ पदांसाठी ऑनलाईन अर्ज मागवले आहेत. जे उमेदवार संबंधित पदासाठी पात्र असतील त्यांनी 9 डिसेंबरपर्यंत अर्ज करावा असं आवाहन रेल्वे विभागाच्या वतीनं करण्यात आलं आहे.

पूर्व मध्य रेल्वेकडून तब्बल 1832 शिकाऊ उमेदवारांची विविध विभागांमध्ये भरती केली जाणार आहे. पात्र असलेले उमेदवार 9 डिसेंबर 2023 पर्यंत आपला उमेदवारी अर्ज रेल्वेच्या अधिकृत संकेतस्थळावरून भरू शकतात.

रेल्वेकडून जी पदभरती होणार आहे, त्यासाठी उमेदवार हा कोणत्याही मान्यता प्राप्त बोर्डामधून 50 टक्के मार्कांसह दहावीची परीक्षा पास असंण गरजेच आहे. सोबतच ज्या तांत्रिक पदासाठी उमेदवार अर्ज करणार आहे, त्या शाखेतील आयटीआयचं प्रमाणपत्र त्याच्याकडे असणं गरजेचं आहे.

हे पद शिकाऊ उमेदवारांसाठी असल्यामुळे नोकरीसाठी अर्ज करताना उमेदवाराचं वय कमीत कमी 15 वर्ष पूर्ण ते जास्तीत जास्त 24 वर्षांपेक्षा कमी असावं. या पदभरतीमध्ये काही प्रवर्गांना वयाच्या मर्यादेमध्ये काही प्रामाणात सूट देण्यात आली आहे. त्याची माहिती तुम्हाला रेल्वेच्या अधिकृत वेबसाईटवर मिळू शकते.

या पदांसाठी कुठलीही परीक्षा घेतली जाणार नाही, पन्नास टक्क्यांसह दहावी आणि आययीआय पास असलेले उमेदवार अर्ज करू शकता. त्यांनी मिरीटच्या आधारे थेट भरती केली जाणार आहे.