Shocking Crime : रात्री सासऱ्याकडे गेली सुन, कपडे काढले आणि... पोलिसांनी दार उघडताच रक्ताचा सडा, नक्की असं काय घडलं?

रात्री एका घराबाहेर रक्त वाहताना दिसलं, जे घरातील एका भाडेकरुने पाहिलं. त्यानंतर त्याला संशय आला म्हणून त्याने दरवाजा वाजवला. पण आतून कुठलीच हालचाल नव्हती. त्यानंतर घाबरुन त्याने पोलिसांना बोलावलं. पोलीस जेव्हा घटना स्थळी पोहोचले तेव्हा समोर जे दृश्य दिसलं ते पाहून सगळेच हादरले.

एका 64 वर्षीय वृद्धाचा निर्वस्त्र मृतदेह जमिनीवर पडला होता. त्याचा संपूर्ण शरीर बर्फात पडलेलं होतं आणि बाजूलाच एक रक्ताने माखलेली क्रिकेट बॅट पडलेली होती. आधी हे एक गूढ प्रकरण वाटत होते, पण जसजशी चौकशी सुरू झाली, तसं जे सत्य उघड झालं ते धक्कादायक होतं.

गाजियाबादमधील एका घरात वृद्ध आपल्या विधवा सुनेसोबत राहत होते. चार वर्षांपूर्वी त्यांची बायको आणि मुलाचा कोरोनामुळे मृत्यू झाला होता. काही महिन्यांपूर्वीच कोर्टाच्या आदेशानुसार त्यांची सून आरती आपल्या दोन मुलांसह त्यांच्यासोबत राहायला आली होती.

वृद्ध सासऱ्याशी तिचे अनेकदा वाद होत होते. पण त्या रात्री जे घडलं, त्याने संपूर्ण परिसर हादरून गेला.

त्या रात्री आरतीने आधी तिच्या मुलांना घरात पाठवलं. नंतर घराची बाहेरून कडी लावली आणि स्वतः आत गेली आणि क्रूर खेळ सुरु झाला! ती थेट वृद्ध सासऱ्याजवळ गेली, त्यांचे कपडे काढून टाकले आणि क्रिकेट बॅटने त्यांच्या डोक्यावर एकामागोमाग एक मार दिला. एक, दोन, तीन, चार... ती तोपर्यंत थांबली नाही, जोपर्यंत वृद्ध व्यक्तीनं जीव सोडला नाही.

त्यानंतर रात्रीच्या अंधारात घराबाहेर रक्त आलं आणि यामुळे भाडेकरूला संशय आला. त्याने तातडीने पोलिसांना बोलावलं. पोलिसांनी घराचा दरवाजा तोडला आणि समोर निर्वस्त्र मृतदेह पाहून ते हादरले.

प्रथमदर्शनी हा कोणीतरी बाहेरून येऊन केलेला गुन्हा वाटला. पण जेव्हा पोलिसांनी सखोल चौकशी केली, तेव्हा आरतीने आपण हे केलं असल्याचं कबूल केलं.

चौकशीत आणखी भयावह माहिती समोर आली. आरतीच्या सासऱ्याची तिच्यावर वाईट नजर होती. तो अनेकदा तिला चुकीच्या पद्धतीने स्पर्श करायचा, तिच्यासोबत अश्लील वर्तन करायचा. शुक्रवारी संध्याकाळी त्याने तिला घरात खेचण्याचाही प्रयत्न केला. हेच कारण होतं की आरतीने त्याचा बदला घेण्याचा कट रचला! पण पोलिसांना अजूनही एक शक्यता तपासायची आहे की ही हत्या केवळ सूडामुळे झाली की वृद्धाच्या नावावर असलेल्या मोठ्या पेन्शन रकमेसाठी हा कट रचण्यात आलाय.