मुलांमध्ये मोबाइलचा वापर वाढला, आताच घ्या ही काळजी अन्यथा बसेल मोठा फटका, डॉक्टरांनी दिली महत्त्वाची माहिती

रिकाम्या वेळेत तासनतास मोबाईल वापरत असल्याने मुलांना डोळ्यांचा त्रास होत आहे. जोधपुरच्या मथुरादास माथुर हॉस्पिटलच्या ओपीडीमध्ये ही मुलांची संख्या वाढल्याचे दिसून आले आहे. त्यामुळे तज्ज्ञांनी मुलांच्या कुटुंबीयांना महत्त्वाचा सल्ला दिला आहे. मुलांना डोळ्यांचा कोणत्याही प्रकारच्या आजाराचा सामना करावा लागू नये म्हणून मुलांची विशेष काळजी घ्यावी, असा सल्ला डॉक्टरांनी दिला आहे.

जोधपुर येथील मथुरादास माथुर रुग्णालयाचे नेत्र रोग विभागचे प्रमुख डॉक्टर अरविंद चौहान यांनी सांगितले की, मुलांच्या परीक्षा संपल्या असून त्यांना आता सुट्ट्या लागल्या आहेत. त्यामुळे मुले आता रिकाम्या वेळेत मोठ्या प्रमाणात मोबाईलचा वापर करत आहेत. मुलांचा स्क्रीन टाईम वाढला आहे.

स्क्रीन टाईम जास्त वाढणे हे आरोग्याच्या दृष्टीने धोकादायक आहे. डोळ्यांना याचा फटका बसू शकतो. त्यामुळे यापासून बचावासाठी पालकांनी काळजी घेणे महत्त्वाचे आहे.

डॉक्टर सारिका गौड यांनी सांगितले की, उन्हाळ्यात मोबाइलच्या वापरामुले मुलांना डोळ्यांचा त्रास होतो. त्यांना यासोबतच अॅलर्जी आणि डोकेदुखीचा त्रास जाणवत आहे. तपासल्यानंतर असे समोर आले की, मुलांनी 5 ते 6 तासांपेक्षा जास्त मोबाइल वापरला आहे. यामुळे त्यांच्या वागण्यातही बदल दिसून येत आहे.

म्हणून पालकांनी मुलांकडून आउटडोर अॅक्टिव्हिटी करायला हवी. शक्य तितक्या कमीत कमी वेळ त्यांना मोबाइल द्यावा. तसेच डोळ्यांची कोणतीही समस्या जाणवत असल्यास नेत्ररोग तज्ज्ञांना दाखवल्याशिवाय कोणतीही मेडिकलवरुन औषधी घेऊ नये, असा सल्लाही त्यांनी दिला.