Bullet Train: मुंबई-अहमदाबाद बुलेट ट्रेनच्या ट्रायलचा मुहूर्त ठरला! कधी सुरू होणार? पाहा PHOTO

वंदे भारतनं आता चर्चा बुलेट ट्रेनची आहे. पंतप्रधान नरेंद्र मोदी यांचा ड्रिम प्रोजेक्ट बुलेट ट्रेन कधी सुरू होणार याची चर्चा आता वेग धरू लागली आहे. याचं कारण म्हणजे बुलेट ट्रेन ज्या गावांमधून जाणार आहे तिथल्या स्टेशनचे फोटो समोर आले आहेत.

गुजरातच्या सुरतजवळ ४० मीटर लांबीच्या एका खास बॉक्स गर्डरचं कामही पूर्ण झालंय. स्वतः रेल्वेमंत्र्यांनी आणि राज्याचे परिवहन मंत्र्यांनीही या कामाचे फोटो आणि माहिती सोशल मीडियावर शेअर केली आहे.

अहमदाबाद ते मुंबई ३०० किमी लांबाच्या या मार्गामध्ये २५७.४ किलोमीटरचं बांधकाम 'फुल स्पॅन लॉन्चिंग' या खास तंत्रज्ञानानं केलं गेलं आहे. यामुळे कामाला प्रचंड वेग मिळाला. नुसता मार्ग नाही, तर या दरम्यान अनेक मोठे नदीचे पूल, स्टील आणि पीएससी ब्रिज (काँक्रीटचे पूल) आणि रेल्वे स्टेशन्सची इमारतंही उभ्या राहिल्या आहेत. आतापर्यंत या प्रकल्पात ३८३ किलोमीटर खांब (पिलर्स), ४०१ किलोमीटर पाया (फाउंडेशन) आणि ३२६ किलोमीटर गर्डरचं काम पूर्ण झालंय. या बुलेट ट्रेनच्या मार्गावर एकूण १२ स्टेशन्स असणार आहेत.

सुरतमध्ये पहिलं बुलेट ट्रेन स्टेशन जवळपास तयार झालं आहे. बाकीचं कामही एकदम जोरदार सुरू आहे.१५७ किलोमीटर रेल्वे ट्रॅक (ट्रॅक बेड) पण तयार झाल्याची चर्चा आहे. सगळं काही व्यवस्थित राहिलं, तर पुढच्या वर्षी या बुलेट ट्रेनची चाचणी सुरू होऊ शकते आणि २०२९ पर्यंत पूर्ण सेवा सुरू होण्याची शक्यता आहे.

या प्रकल्पात वापरल्या जाणाऱ्या बहुतेक गोष्टी मेड इन इंडिया आहेत. लॉन्चिंग गॅन्ट्री, ब्रिज गॅन्ट्री आणि मोठे गर्डर वाहून नेणारे खास ट्रक (गर्डर ट्रान्सपोर्टर्स) हे सगळं भारतातच तयार झालं आहे. यावरून हे स्पष्ट होतं की भारत आता हाय स्पीड ट्रेन आणि तिच्या तंत्रज्ञानातही आत्मनिर्भर बनत आहे.

'फुल स्पॅन' तंत्रज्ञानामुळे बांधकामाचा वेग तब्बल १० पटीनं वाढला आहे! आणि तुम्हाला माहित आहे का, प्रत्येक स्पॅन गर्डर जवळपास ९७० टन वजनाचा असतो! तसेच, प्रवासादरम्यान आवाज कमी व्हावा यासाठी या मार्गाच्या दोन्ही बाजूंना ३ लाखांहून अधिक 'नॉइज बॅरियर' (ध्वनीरोधक पडदे) पण लावले आहेत.

2026 च्या सुरुवातीला जपानमधून बुलेट ट्रेनचे डबे भारतात येण्याची शक्यता आहे. त्यानंतर ट्रेनची ट्रायल सुरू होईल आणि 2029 पर्यंत संपूर्ण मार्गावर बुलेट ट्रेन धावेल असा कयास लावला जात आहे.