Pune Accident : कोंढवा परिसरात थरकाप उडवणारा भीषण अपघात; ट्रकच्या चाकाखाली येऊन महिलेचा मृत्यू

पुण्यात अपघातांची मालिका सुरूच आहे. आता आणखी एक भीषण अपघात समोर आला आहे. ज्यात एका महिलेला आपला जीव गमवावा लागला.

ही घटना पुण्यातील कोंढव्यात घडली आहे. कोंढव्यातील इस्कॉन चौकाच्या पुढे हनुमान मंदिराजवळ हा भीषण अपघात झाला आहे.

या अपघातात ट्रकच्या चाकाखाली येऊन एका महिलेचा जीव गेला आहे. अपघात इतका भीषण होता, की पाहणारे सगळेच हादरले

या घटनेत स्कुटीवर प्रवास करत असलेली महिला दुचाकीसह ट्रकच्या चाकाखाली आली. अपघात इतका भीषण होता, की यात स्कुटीचाही अक्षरशः चुराडा झाल्याचं पाहायला मिळालं

या घटनेनंतर लगेचच घटनास्थळी मोठी गर्दी झाली. घटनेत जखमी महिलेच्या भोवती अनेक लोक मदतीसाठी जमा झाले. अपघातामुळे परिसरात वाहनांच्याही रांगा लागल्या होत्या

सकाळी झालेल्या या अपघातामध्ये महिला गंभीररित्या जखमी झाली होती. यानंतर तिला उपचारासाठी लगेचच रुग्णालयात दाखल करण्यात आलं.

मात्र, उपचारादरम्यान तिचा मृत्यू झाला आहे. रमा कपाडे (वय ५३) असं अपघातामध्ये मृत्यू झालेल्या महिलेचं नाव आहे.