Astro: चांगला पैसा, चांगले दिवस येणार? नशीब पालटणार असल्यास असे शुभ संकेत मिळतात

हा वाईट काळ कधी संपणार आणि जीवनात सुख-शांती कधी येणार असा विचार या व्यक्तीच्या मनात वारंवार येतो. कारण त्याला या समस्यांमधून बाहेर पडण्याची इच्छा असते. कठीण परिस्थितीला वारंवार तोंड देऊन ती व्यक्ती शारीरिक आणि मानसिकदृष्ट्या थकलेली असते.

जेव्हा एखाद्या व्यक्तीच्या जीवनातील वाईट काळ संपून चांगले दिवस येणार असतात, तेव्हा त्याला तत्त्पूर्वी काही संकेत मिळू लागतात, असं ज्योतिषशास्त्रात सांगितलं गेलं आहे. जर तुम्हाला देखील असे काही संकेत दिसत असतील, तर जीवनात आनंद येणार आहे, असं समजावं. हे संकेत नेमके कोणते असतात, त्याविषयी भोपाळ येथील ज्योतिष पंडित आचार्य योगेश चौरे यांनी माहिती दिली आहे. याबाबत सविस्तर जाणून घेऊया.

हाताला खाज सुटणे -जर तुमच्या हाताला वारंवार खाज सुटत असेल तर हा शुभ संकेत समजावा. जर पुरुषाच्या उजव्या हाताला आणि महिलेच्या डाव्या हाताला खाज सुटत असेल तर हे लाभदायक लक्षण मानलं जातं. याचा अर्थ असा की, लवकरच तुम्हाला आर्थिक फायदा होऊ शकतो.

स्वप्नात मंत्र ऐकू येणे -जर तुम्हाला स्वप्नात मंत्र ऐकू आले तर जीवनातील कठीण काळ संपण्याचे हे संकेत असतात. याचा अर्थ असा की जी कामं दीर्घकाळापासून रखडलेली होती, त्यातील अडथळे दूर होणार असून काम मार्गी लागणार आहे. हा संकेत सकारात्मक मानला जातो.

सकाळी शंख ध्वनी ऐकू येणंहिंदूधर्मात देवपूजेवेळी शंख वाजवला जातो. जर तुम्हाला सकाळच्या वेळी शंखध्वनी ऐकू आला तर हा शुभसंकेत मानला जातो. तुमची प्रगती होणार असून जीवनात नवीन मार्ग खुले होण्याचा हा संकेत मानला जातो.