Mauni Amavasya : रविवारी चुकूनही खाऊ नका हे पदार्थ; मौनी अमावस्याला हे टाळात तर कुटुंबात नांदेल समृद्धी

आपल्या भारतीय संस्कृतीत सण-उत्सवांसोबतच 'तिथी'ला खूप महत्त्व आहे. त्यातही माघ महिन्याची अमावस्या ही आध्यात्मिकदृष्ट्या सर्वात शक्तिशाली मानली जाते. अनेकदा आपण अनुभवतो की, अमावस्येच्या आसपास आपल्या मनःस्थितीत किंवा घरातील वातावरणात काहीसे बदल जाणवतात. हे टाळण्यासाठी आणि सकारात्मकता टिकवण्यासाठी आपले पूर्वज काही विशिष्ट नियमांचे पालन करायचे.

यावर्षीची 'मौनी अमावस्या' (Mauni Amavasya 2026) अत्यंत खास आहे. पण, या दिवशी केवळ 'मौन' पाळणे पुरेसे नाही, तर तुमच्या ताटात काय वाढलंय, यावरही तुमचे आरोग्य आणि घरातील सुख-शांती अवलंबून असते. चला तर मग, या पवित्र दिवशी काय खावे आणि काय टाळावे, याबद्दलची शास्त्रोक्त माहिती जाणून घेऊया.

पंडित कल्कि राम यांच्या माहितीनुसार, यावर्षी अमावस्या तिथी 17 जानेवारी (शनिवार) मध्यरात्री 12;04 वाजता सुरू होईल आणि 18 जानेवारी (रविवार) रात्री 01:21 वाजेपर्यंत असेल. उदय तिथीनुसार, अमावस्येचे सर्व विधी आणि नियम रविवार, 18 जानेवारी रोजी पाळले जातील.

अमावस्येच्या दिवशी पाळले जाणारे नियम हे केवळ अंधश्रद्धा नसून, त्यामागे आयुर्वेद आणि निसर्गचक्राचा मोठा आधार आहे. ऋतू बदलाच्या काळात शरीर व्याधींपासून मुक्त राहावे, हा यामागचा मुख्य उद्देश आहे.

1. तामसी अन्नाचा त्याग कराअमावस्येच्या दिवशी मांसाहारी भोजन पूर्णपणे टाळावे. जर तुम्ही उपवास करत नसाल, तरीही आहार सात्विक असावा. मद्य किंवा कोणत्याही अमली पदार्थांचे सेवन केल्याने घरातील शांती भंग होऊ शकते आणि मानसिक तणाव वाढू शकतो, असे मानले जाते.

2. गोडधोड करताना 'या' गोष्टीची काळजी घ्याजर तुम्ही या दिवशी खीर किंवा कोणताही गोड पदार्थ बनवणार असाल, तर साखरेऐवजी गुळाचा वापर करणे शुभ मानले जाते. तसेच, या दिवशी शिळे अन्न (Baasi Khana) खाणे टाळावे, कारण ते शरीरातील जडत्व वाढवते.

'या' भाज्यांकडे चुकूनही वळू नकाअमावस्येच्या दिवशी काही विशिष्ट भाज्या खाणे वर्ज्य मानले जाते. ज्योतिष शास्त्रानुसार, या भाज्यांचे सेवन केल्याने नकारात्मक ऊर्जेचा प्रभाव वाढू शकतो. मग मौनी अमावस्येला कोणत्या भाज्या खाऊ नये चला नावं जाणून घेऊ.गाजर आणि बीट: आरोग्यासाठी जरी ही कंदमुळे चांगली असली, तरी अमावस्येच्या तिथीला यांचे सेवन टाळण्याचे सुचवले जाते.कोबीचे प्रकार: फुलकोबी आणि पानकोबी (Cauliflower and Cabbage) या दिवशी खाऊ नयेत.

मग आहारात काय असावे?शास्त्रात अमावस्येच्या दिवशी काही विशिष्ट भाज्या खाणे लाभदायक मानले जाते, ज्यामुळे शरीरातील त्रिदोष संतुलित राहतात. यात प्रामुख्याने खालील भाज्यांचा समावेश होतो:

कारलंकच्ची केळीदोडका आणि पडवळघेवडासूरण (Ol) आणि तांबडा भोपळा (Pumpkin)

मौनी अमावस्या ही स्वतःला आतून शुद्ध करण्याची वेळ आहे. योग्य आहार आणि विचारांची सात्विकता पाळल्यास कुटुंबात समृद्धी नांदते. 18 जानेवारीला हे छोटे बदल करून पहा आणि सकारात्मकतेचा अनुभव घ्या.

(नोट : वरील माहिती ही सामान्य माहितीवर आधारीत आहे, न्यूज 18 मराठी याची पुष्टी करत नाही. आमचा उद्देश तुमच्यापर्यंत माहिती पोहोचवण्याचा आहे.)