भारतात इथे 2 लाख रुपये किलो मिळतं तूप; ते खाण्यास मनाई, तरी परदेशातून मोठी मागणी, पण का?

राजकोटच्या गोंडलमध्ये तूप दोन लाख रुपये किलो दराने विकलं जात आहे. त्यात इतकं विशेष काय आहे? असा प्रश्न तुम्हाला पडला असेल. खरं तर, हे शुद्ध तूप आहे जे भेसळीशिवाय बनवलं जातं. ते इतर तूपांपेक्षा पूर्णपणे वेगळं आहे. त्याची किंमत 3500 रुपयांपासून सुरू होते आणि 2 लाख रुपये प्रति किलोपर्यंत पोहोचते. हे तूप खास आहे कारण ते विविध औषधी वनस्पतींचं मिश्रण करून बनवलं जातं.

गोंडलमध्ये गिर गौ जतन नावाची संस्था चालवणारे रमेशभाई रुपारेलिया हे तूप विकतात. त्यांच्या गोठ्यात 200 हून अधिक गायी आहेत. ते या गायींचं दूध विकत नाहीत, तर त्यापासून तूप आणि ताक बनवतात. या तुपात मिसळलेल्या औषधांची किंमत प्रति किलो 6 लाख रुपये आहे. ही वनस्पती तुपात मिसळल्याने तुपाची किंमत वाढते. 31 लिटर दुधापासून एक किलो तूप तयार होते.

तूप बनवण्यापासून ते पॅकिंग आणि तूप पोहोचवण्यापर्यंतच्या कामांमुळे 140 कुटुंबांना रोजगार मिळतो. हे तूप बनवण्यासाठी केशर, हळद, दारू हळदी, छोटं पिंपळ आदींसह अनेक औषधं वापरली जातात.

या तुपाच्या फायद्यांविषयी सांगायचं तर, याच्या मदतीने डोकेदुखी, त्वचारोग आणि खोकलाही दूर होतो. तसंच चेहरा चमकदार आणि सुंदर बनतो. यामुळे चेहऱ्यावरील काळे डाग, डोळ्यांखालील काळे डाग आणि मुरुम दूर होण्यास मदत होते. हे तूप खाणं निषिद्ध मानले जातं, म्हणजेच तुम्ही ते खाऊ शकत नाही.

रात्री झोपण्यापूर्वी हे तूप चेहऱ्यावर लावून हळूहळू मसाज करा, यामुळे चेहऱ्यावर एक वेगळीच चमक येईल. रमेशभाईंच्या या गोठ्यात वेद आणि पुराणात वर्णन केलेल्या पद्धतीचा वापर करून हे तूप बनवलं जातं. त्यामुळे येथे तुपाची किंमतही जास्त आहे.

अमेरिका, कॅनडा, सौदी अरेबिया यांसारख्या देशांमध्ये रमेशभाईंच्या उत्पादनांना मागणी आहे. ते त्यांची उत्पादने विकून महिन्याला 40 लाख रुपयांचा व्यवसाय करतात. मिळालेल्या माहितीनुसार, रमेशभाईंची वार्षिक उलाढाल 3 ते 4 कोटी रुपये आहे.