कोथरुड प्रकरण: मुलींना मारहाण करणं पोलिसांना भोवलं; कोर्टाचे कडक निर्देश, केस करणाऱ्यांवर केस

पुणे : पुण्यातील कोथरुडमधील मुलींना मारहाण प्रकरण पुणे पोलिसांना भोवलं असून या प्रकरणात संबंधित महिला पोलिसांवरच गुन्हा दाखल होणार असल्याची माहिती समोर आली आहे. काही दिवसांपूर्वी कोथरुडमध्ये पोलिसांनी दोन मुलींना चौकशीसाठी ताब्यात घेतलं होतं. या घटनेमुळे पोलिसांवर संताप व्यक्त होत आहे. वरिष्ठ अधिकाऱ्यांनी चौकशीचे आदेश दिल्यानंतर प्राथमिक तपासात संबंधित महिला पोलिसांनी अधिकाराचा गैरवापर केल्याचं समोर आलं. त्यामुळे त्यांच्याविरोधात गुन्हा दाखल करण्याची प्रक्रिया सुरू झाली आहे. या घटनेमुळे पुणे पोलिस दलाची प्रतिमा डागाळली असून, नागरिकांमध्येही तीव्र नाराजीचे वातावरण आहे.