ST News : एसटीने प्रवास करणाऱ्या प्रवाशांचे नशीब उजळले; महामंडळाने घेतला मोठा निर्णय

सध्या एसटीकडे पुरेशा प्रमाणात बसेस नाहीत. अनेक जुनी वाहने आयुर्मान संपल्यामुळे किंवा नादुरुस्त झाल्यामुळे तात्पुरती दुरुस्ती करून चालवावी लागत आहेत. त्यामुळे वारंवार बस बिघडणे, प्रवासात अडथळे येणे आणि प्रवाशांना गैरसोयींचा सामना करावा लागणे, अशी परिस्थिती निर्माण होते. विशेषतहा दिवाळीच्या सणासुदीच्या काळात या समस्या अधिक वाढतात. मात्र, नव्या गाड्या आल्यानंतर ही समस्या मोठ्या प्रमाणावर सुटणार आहे.

पुण्यातील एका कंपनीने उत्तर प्रदेश परिवहन महामंडळासाठी तयार केलेल्या अशाच स्मार्ट ई-बसचे सादरीकरण नुकतेच परिवहन मंत्री प्रताप सरनाईक यांच्या समोर करण्यात आले. त्याच धर्तीवर महाराष्ट्रातील बसेसमध्येही अत्याधुनिक सुरक्षा सुविधा देण्यावर भर दिला जात आहे. या बसमध्ये अशी यंत्रणा असेल की बाहेरील अनोळखी व्यक्ती सहजपणे बसमध्ये प्रवेश करू शकणार नाही तसेच आग लागणे, अपघात किंवा इतर कोणत्याही घटनेवर तातडीने प्रतिसाद देणारी प्रणाली बसवली जाणार आहे.

या सर्व नव्या उपाययोजनांमुळे राज्यातील एसटी सेवा आणखी मजबूत होईल. प्रवाशांना वेळेवर, सुरक्षित आणि सोयीस्कर प्रवास करता येईल. यामुळे एसटी महामंडळ पुन्हा एकदा जनतेसाठी विश्वासार्ह आणि सोयीची वाहतूक सेवा ठरणार आहे.