Pune Crime : पुण्यात घराच्या मागे सापडला मृतदेह, पोलिसांना एक हिंट लागली अन् 12 तासात उलगडलं खुनाचं रहस्य!

Pune Crime News : पुण्याच्या कात्रज येथील गुजर-निंबाळकरवाडी परिसरात गच्च गवतात कुजलेल्या अवस्थेत आढळलेल्या एका मृतदेहाने संपूर्ण भागात रहस्य आणि भयाचे वातावरण निर्माण केले होते. पण भारती विद्यापीठ पोलिसांनी अवघ्या 12 तासांत या हत्येमागील भयाण सत्य उघडकीस आणलं आहे, ज्यानुसार मृताच्या मित्रानेच त्याचे क्रूरतेने आयुष्य संपवलं होतं. पैशांचा वाद आणि सतत होणाऱ्या मारहाणीला कंटाळून एका मित्राने दुसऱ्याचा 'काटा' काढल्याचं या तपासात समोर आलं आहे.