जवळचे असो वा दूरचे, रिक्षाचे भाडे नाकारणे महागात पडणार, पुण्यात थेट कारवाई, कुठं कराल तक्रार?

पुणे : शहरात जवळचे-दूरचे भाडे नाकारणे, मीटरनुसार भाडे न आकारता मनमानी दर वसूल करणे, मीटर फास्ट ठेवणे, जादा प्रवासी भरणे व प्रवाशांशी उद्धट वर्तन अशा तक्रारी सातत्याने वाढत आहेत. या पार्श्वभूमीवर प्रादेशिक परिवहन कार्यालयाने (आरटीओ) एप्रिल ते डिसेंबर 2025 या नऊ महिन्यांत व्यापक तपासणी मोहीम राबवली. या कालावधीत 4896 ऑटो रिक्षांची तपासणी करण्यात आली असून त्यापैकी 1877 रिक्षाचालक दोषी आढळले आहेत. नियमभंग करणाऱ्यांवर कडक कारवाई करत 105 रिक्षांचे परवाने निलंबित करण्यात आले, तर उर्वरित दोषींवर दंडात्मक कारवाई करून एकूण 8 लाख 67 हजार रुपयांचा दंड वसूल करण्यात आला आहे.