Pune - Nashik Expressway: नाशिक-पुणेकरांसाठी गुडन्यूज! प्रवास होणार फक्त 3 तासात

पुणे: राज्याच्या औद्योगिक विकासाला चालना देण्यासाठी द्रुतगती महामार्गांची निर्मिती केली जात आहे. पुणे-नाशिक सेमी हायस्पीड रेल्वे प्रकल्पाला विलंब होत असतानाच, पुणे-नाशिक औद्योगिक द्रुतगती महामार्गाला मात्र गती मिळण्याची चिन्हे आहेत. पुणे, अहिल्यानगर आणि नाशिक या तीन जिल्ह्यांना जोडणाऱ्या या 28 हजार 429 कोटींच्या महामार्गाचा प्रस्ताव सरकारच्या मान्यतेसाठी पाठवण्यात आला आहे. या महामार्गामुळे पुणे ते नाशिक हा 5 तासांचा प्रवास अवघ्या 3 तासांत होणार आहे.