Pune Parking: पुण्यात पार्किंगच गेलं चोरीला, नागिरकांची थेट पोलिसांत धाव, नेमकं काय घडलं?

पुणे : पुण्यातील अनेक भागांमध्ये पार्किंगचा प्रश्न दिवसेंदिवस गंभीर होत चालला आहे. त्यातच भोसरीतील पीएमआरडीएच्या सेक्टर 12 मधील गृहप्रकल्पातही पार्किंगची मोठी समस्या निर्माण झाली आहे. प्रकल्पात पुरेशा पार्किंगची व्यवस्था नसल्याने रहिवाशांना मनस्ताप सहन करावा लागत आहे. त्यातच प्रशासनाकडून या विषयाकडे दुर्लक्ष होत असल्याचा आरोप करत त्रस्त रहिवाशांनी थेट पोलिस आयुक्तांकडे धाव घेतली आहे. आमचं पार्किंग कुठे गायब झालंय? शोधून देता का? असा सवाल करत रहिवाशांनी आपल्या हक्काच्या पार्किंगसाठी न्याय देण्याची मागणी केली आहे.