Pankaja Munde: बीडच्या वाल्मिकचा गेमओव्हर, आरोपपत्रात स्पष्ट उल्लेख; पंकजा मुडेंची पहिली प्रतिक्रिया, म्हणाल्या...

पर्यावरण मंत्री पंकजा मुंडे या पुण्याच्या दौऱ्यावर होत्या. संतोष देशमुख हत्या प्रकरणी आरोपपत्र दाखल झाल्यानंतर पत्रकारांशी जेव्हा प्रतिक्रिया जाणून घेण्यासाठी विचारणा केली असता पंकजा मुंडे पत्रकारांवरच संतापल्या.

या प्रकरणाबद्दल मला माहिती नाही जेव्हा माहिती होईल त्यावेळी बोलेल. आरोपपत्रात काय लिहिलं आहे ते मला माहिती नाही. तुम्हाला माहिती असेल तर माहिती नाही. तुमच्यावर कोड ऑफ कन्टेपट दाखल करावा लागेल. हे सगळं गृह खात्याकडे असतं त्यांना माहिती असेल. पुण्यात आहे तर पुण्यातले प्रश्न विचारा, असं म्हणत पंकजा मुंडेंनी पत्रकारांना खडसावलं.

तसंच, पुण्यातील स्वारगेट एसटी बस आगारामध्ये त्या मुलीवर बलात्कार झाला. नांदेडमध्ये शुक्रवारी प्रकार घडला संपूर्ण राज्यात असे प्रकार घडत आहेत. देशमुख हत्येविषयी मी तीव्र निषेध व्यक्त केला आहे आरोपीला शिक्षा द्यावी हे मी आधीच बोलले आहे. मुळात माझ्याकडे ग्रह खातं नाही. Cid कोर्टात माहिती देईल. आरोपींवर योग्य ती कारवाई व्हावी अशी सगळ्यांची अपेक्षा आहे. गृहमंत्री देवेंद्र फडणवीस यांच्यावर माझा विश्वास आहे. त्यांनी शब्द दिल्यावर मी बोलणे चुकीचे ठरेल. गृहमंत्री देवेंद्र फडणीस या प्रकरणी लक्ष घालून आहेत नक्की कारवाई होईल, असंही पंकजा मुंडे म्हणाल्या.