Satyendra Das : अयोध्येच्या राम मंदिरातील पुजाऱ्यांचं निधन, तब्बल 34 वर्षे केली श्रीरामांची पूजा!

सत्येंद्र दास हे मागील बऱ्याच काळापासून आजारी होते. अखेर त्यांची प्राणज्योत मालवली. मिळालेल्या माहितीनुसार, काही दिवसांपर्वी ब्रेन हेमरेज झाल्यानंतर त्यांना पीजीआयमध्ये दाखल केलं होतं. 2 फ्रेब्रुवारीला स्ट्रोकमुळे सत्येंद्र दास यांना अयोध्येच्या एका रुग्णालयात दाखल केलं होतं. तिथून पुढच्या उपचारांसाठी आधी ट्रामा सेंटर आणि मग लखनऊच्या एसजीपीजीआयमध्ये त्यांना पाठविण्यात आलं. रुग्णालय प्रशासनाकडून मिळालेल्या माहितीनुसार, डायबिटीज आणि हाय ब्लड प्रेशरसारख्या गंभीर आजारांशीही ते लढा देत होते. अखेर त्यांची मृत्यूशी झुंज अपयशी ठरली.