IND vs UAE मॅचआधी मोठी बातमी! गंभीरच्या लाडक्याचे लाड चालणार नाही, अख्खा Asia Cup बेंचवर बसावं लागणार?

खरं तर टीम इंडिया वेगवान गोलंदाज म्हणून अनुभवी जसप्रीत बुमराह, अर्शदिप सिंह, हर्षित राणा यांचा समावेश करण्यात आला आहे. या गोलंदाजासोबत पार्ट टाईम गोलंदाज म्हणून हार्दिक पांड्याचा देखील समावेश असणार आहे.आता पाहायला गेला तर जसप्रीत बुमराह, अर्शदिप सिंह, हर्षित राणा या तीन गोलंदाजांपैकी जास्तीत जास्त दोन गोलंदाजांना प्लेईंग इलेव्हनमध्ये संधी मिळण्याची शक्यता आहे.

आता जसप्रीत बुमराहला त्याच्या अनुभवाच्या आणि तीक्ष्ण गोलंदाजीच्या बळावर प्लेइंग इलेव्हनमध्ये स्थान मिळणारच आहे. राहता राहिला दुसरा वेगवान गोलंदाजाचा प्रश्न तर एक अर्शदिप सिंह किंवा हर्षित राणा या दोघांपैकी एकाची संघात वर्णी लागणार आहे. पण सध्या ब्रॉको टेस्टवर नजर टाकल्यास अर्शदिप सिंहने संपूर्ण संघातून सर्वांधिक गुण मिळवले आहे. विशेष म्हणजे त्याने या टेस्टमध्ये जसप्रीत बुमराहला देखील पछाडलं आहे.त्यामुळे अर्शदिपची ही कामगिरी पाहता प्लेइंग इलेव्हनमध्ये त्याला संधी देण्याबाबत आधी विचार होईल. त्यानंतर गंभीरचा लाडका हर्षित राणाचा विचार होईल. त्यामुळे जर असं झालं तर जसप्रीत बुमराह आणि अर्शदिप सिंह हे दोनच वेगवान गोलंदाज संघात असतील आणि गंभीरचा लाडका हर्षित राणाला संपूर्ण आशिया कप बेंचवर बसून काढावा लागणार आहे.