Asia Cup : टी-20 मधल्या नंबर वन बॉलरला डच्चू, सूर्याचा धक्कादायक निर्णय, टीम इंडियाने टॉस जिंकला!

दुबई : आशिया कप 2025 मध्ये टीम इंडियाच्या मोहिमेला सुरूवात होत आहे. सूर्यकुमार यादवच्या नेतृत्वात खेळणाऱ्या भारतीय टीमचा सामना यजमान युएईविरुद्ध होत आहे. दुबई आंतरराष्ट्रीय स्टेडियमवर हा सामना खेळवला जात आहे. या सामन्यात टीम इंडियाचा कर्णधार सूर्यकुमार यादवने टॉस जिंकून बॉलिंगचा निर्णय घेतला आहे. या सामन्यात टीम इंडियाने संजू सॅमसन आणि शुभमन गिल या दोघांनाही संधी दिली आहे, पण आश्चर्यकारकरित्या आयसीसी टी-20 क्रमवारीमध्ये पहिल्या क्रमांकावर असलेल्या अर्शदीप सिंगला बाहेर ठेवण्यात आलं आहे. अक्षर पटेल, वरुण चक्रवर्ती आणि कुलदीप यादव या तीन स्पिनरसह टीम इंडिया खेळणार आहे.