Asia Cup : '...तोपर्यंत भारताला ट्रॉफी द्यायची नाही', मोहसिन नक्वीचे कर्मचाऱ्यांना आदेश, कपचं लोकेशन समजलं!

लाहोर : आशिया कप ट्रॉफी दुबईतील आशियाई क्रिकेट परिषदेच्या (एसीसी) मुख्यालयात बंद ठेवण्यात आली आहे. माझ्या परवानगीशिवाय ट्रॉफीला हात लावायचा नाही, असे आदेश मोहसीन नक्वीने एसीसीच्या कार्यालयात काम करणाऱ्या कर्मचाऱ्यांना दिले आहेत. आशिया कप जिंकल्यानंतर भारतीय टीमने नक्वीकडून ट्रॉफी स्वीकारण्यास नकार दिला. त्यानंतर नक्वीने ट्रॉफी आपल्यासोबत घेतली आणि तेव्हापासून ती एसीसी कार्यालयात आहे. 28 सप्टेंबर रोजी दुबई येथे झालेल्या आशिया कपच्या फायनलमध्ये भारताने पाकिस्तानला पराभूत केले.