क्रिकेट मॅचमधील वादाला हिंसक वळण; दगडफेकीसोबत झाला गोळीबार, अनेकांवर चाकूचे वार
- Published by:Jaykrishna Nair
Last Updated:
Violence in cricket match: अलीगढमध्ये क्रिकेट सामन्यातून उफाळलेल्या वादाने हिंसक रूप घेतले. ज्यात दोन महिलांसह आठ जण जखमी झाले. छतांवरून गोळीबार, दगडफेक आणि चाकू हल्ल्यामुळे संपूर्ण परिसरात तणाव निर्माण झाला . पोलिसांनी परिस्थिती नियंत्रणात आणत गुन्हा दाखल केला आहे.
अलीगढ (उत्तर प्रदेश): अलीगढ जिल्ह्यातील सासनी गेट पोलीस ठाण्याच्या हद्दीत क्रिकेट सामन्यादरम्यान झालेल्या किरकोळ वादाचे रूपांतर हिंसक झटापटीत होऊन दोन महिलांसह आठ जण जखमी झाले. पोलिसांनी या घटनेची माहिती दिली आहे.
मैत्रीपूर्ण क्रिकेट सामन्यातून संघर्ष
अपर पोलीस अधीक्षक (नगर) एम. शेखर पाठक यांनी सांगितले की, बुधवारी काजीपाडा भागात एक मैत्रीपूर्ण क्रिकेट सामना सुरू असताना शेजारी अनस आणि मोहसिन यांच्यात वाद झाला. वरिष्ठ नागरिकांच्या मध्यस्थीने हा वाद मिटवण्यात आला. मात्र गुरुवारी रात्री हा वाद पुन्हा चिघळला.
advertisement
हिंसाचार आणि हल्ले
पाठक यांनी दिलेल्या माहितीनुसार या नव्या वादाचे स्वरूप वाढत गेले आणि परिस्थिती हिंसक बनली. या संघर्षात विटा आणि दगड फेक झाली. तसेच काही जणांनी घरांच्या छतांवरून गोळीबार केल्याचे वृत्त आहे. याशिवाय काही लोकांना चाकूचे वारही बसले. या जखमींना तत्काळ जिल्हा रुग्णालयात हलवण्यात आले.
advertisement
जखमींची प्रकृती आणि उपचार
रुग्णालय प्रशासनाच्या माहितीनुसार, पाच जणांना डोक्याला गंभीर मार लागल्यामुळे पुढील उपचारासाठी जवाहरलाल नेहरू मेडिकल कॉलेजमध्ये हलवण्यात आले. उर्वरित जखमींना प्राथमिक उपचारानंतर घरी सोडण्यात आले.
पोलीस कारवाई आणि परिस्थिती नियंत्रणात
पोलीस अधिकाऱ्यांनी सांगितले की, सध्या परिसरात शांतता आहे. पोलिसांनी या संदर्भात गुन्हा दाखल केला असून अधिक तपास सुरू आहे.
Location :
Mumbai,Maharashtra
First Published :
March 21, 2025 3:45 PM IST
मराठी बातम्या/स्पोर्ट्स/
क्रिकेट मॅचमधील वादाला हिंसक वळण; दगडफेकीसोबत झाला गोळीबार, अनेकांवर चाकूचे वार
