पाकिस्तानची शेपूट पुन्हा वाकडी, वर्ल्ड कपच्या सामन्यात काश्मीरबद्दल बरळली, Live कॉमेंट्रीमध्ये मोठा वाद!

मुंबई : काही दिवसांपूर्वीच संपलेल्या आशिया कप 2025 चा वाद अजून शमत नाही तोच आता पाकिस्तान बांगलादेश यांच्यातल्या मॅचवेळी पाकिस्तानी कॉमेंटेटरने ऑन एअर वादग्रस्त विधान केलं आहे. पाकिस्तान विरुद्ध बांगलादेश यांच्यात महिला वर्ल्ड कपदरम्यान सुरू असलेल्या मॅचवेळी पाकिस्तानची माजी कर्णधार सना मीरने अकलेचे तारे तोडले. पाकिस्तानची बॅटिंग सुरू असताना सना मीरने हे वक्तव्य केलं आहे. पाकिस्तानची बॅटर नतालिया परवेझ ही त्यावेळी मैदानात होती. नतालिया परवेझ ही आझाद काश्मीरची असल्याचं सना मीर म्हणाली.