Jasprit Bumrah : टीम इंडियासाठी 'करो या मरो', बुमराह चौथी टेस्ट खेळणार का? सिराजने सस्पेन्स संपवला!

पुढील सामन्याच्या योजनांबद्दल विचारले असता सिराज म्हणाला, 'इंग्लंड ज्या पद्धतीने खेळतो ते पाहता, आमची योजना चांगल्या लाईन आणि लेंथने बॉलिंग सुरू ठेवण्याची आहे. त्यांनी मागच्या सामन्याप्रमाणे संयमाने खेळावे अशी आमची इच्छा आहे. आम्हाला टेस्ट क्रिकेट खेळण्याचा आनंद झाला.' अर्शदीप सिंग हाताच्या दुखापतीमुळे मँचेस्टर कसोटीतून बाहेर झाला आहे, त्यामुळे भारताने फास्ट बॉलर अंशुल कंबोजचा टीममध्ये समावेश केला आहे. गुडघ्याच्या दुखापतीमुळे नितीश रेड्डीलाही उर्वरित मालिकेतून बाहेर काढण्यात आले आहे, ज्यामुळे भारताच्या प्लेयिंग इलेव्हनमध्ये बदल होणार आहे.

मांडीच्या दुखापतीने ग्रस्त असलेल्या आकाश दीपने सोमवारी मुख्य नेटमध्ये बॉलिंग केली नाही. 'आकाशदीपला मांडीचा त्रास आहे, फिजिओ त्याची तपासणी करत आहेत. त्याने सकाळीही बॉलिंग केली होती. फिजिओकडून अद्याप कोणताही प्रतिसाद मिळालेला नाही. अर्शदीपला दुखापत झाल्यानंतर अंशुलला टीममध्ये घेण्यात आले आहे. त्याला शुभेच्छा', असं मोहम्मद सिराज म्हणाला आहे.