IND vs NZ : जडेजासह आणखी एकाला डच्चू, कॅप्टन गिलचं धक्कातंत्र, तिसऱ्या वनडेसाठी टीम इंडियात 2 बदल!

इंदूर : भारत आणि न्यूझीलंड यांच्यातल्या 3 सामन्यांच्या सीरिजमधील तिसरा वनडे सामना रविवार 18 जानेवारीला खेळवला जाणार आहे. इंदूरच्या होळकर स्टेडियममध्ये होणाऱ्या या सामन्यासाठी भारतीय टीम प्लेइंग इलेव्हनमध्ये बदल करण्याची शक्यता आहे. मागच्या पाच वनडेमध्ये फक्त एक विकेट घेणाऱ्या रवींद्र जडेजाला या सामन्यातून डच्चू मिळण्याची शक्यता आहे. सीरिजच्या पहिल्या दोन सामन्यांमध्ये जडेजाला एकही विकेट मिळाली नव्हती, तसंच राजकोटमध्ये झालेल्या सामन्यात जडेजाने बॅटिंगमध्येही खराब कामगिरी केली होती, त्यामुळे त्याच्यावर मोठ्या प्रमाणावर टीका झाली होती.