IND vs SL 1st ODI Dream11 prediction: या खेळाडूला करा कॅप्टन, मिळवून देईल 2 कोटी

भारतीय क्रिकेट टीम सध्या श्रीलंका दौऱ्यावर आहे. दोन्ही देशांदरम्यान तीन मॅचेसची टी-20 सीरिज झाली. ही सीरिज भारताने 3-0 अशा फरकाने जिंकली. आता दोन्ही देशांदरम्यान वन-डे सीरिज होणार आहे. पहिली वन-डे 2 ऑगस्टला (शुक्रवार) कोलंबो येथे खेळली जाणार आहे. वन-डे सीरिजसाठी टीममध्ये काही बदल केले असले तरीही टी-20 सीरिज विजयामुळे टीम इंडियाचा आत्मविश्वास वाढलेला आहे. रोहित शर्मा, विराट कोहली, केएल राहुल आणि श्रेयस अय्यर या खेळाडूंचं टीममध्ये पुनरागमन झालं आहे. कारण, टीम इंडिया चॅम्पियन्स ट्रॉफीपूर्वी मोजक्याच वन-डे मॅचेस खेळणार आहे. त्यामुळे सर्वोत्तम टीम कॉम्बिनेशनचे प्रयोग या सीरिजमध्ये होऊ शकतात. ही सीरिज जिंकणं हे उद्दिष्ट तर आहेच शिवाय चॅम्पियन्स ट्रॉफीचं मोठे ध्येय देखील विचारात घेतलं जाईल.