IND vs WI Delhi Test : 23 वर्षांचा दुष्काळ संपला! 2002 नंतर पहिल्यांदाच वेस्ट इंडिजच्या खेळाडूने झळकावलं शतक, पाहा कोण?

वेस्ट इंडिजचा ओपनर जॉन कॅम्पबेल याने एक असा विक्रम रचला आहे, ज्याची कॅरेबियन चाहत्यांनी तब्बल 23 वर्षांपासून वाट पाहिली होती. भारताने वेस्ट इंडिजला फॉलोऑन दिल्यानंतर, दुसऱ्या इनिंगमध्ये जॉन कॅम्पबेलने अभूतपूर्व जिद्द दाखवली आणि टेस्ट क्रिकेटमध्ये भारतात शतक झळकावणारा 23 वर्षांनंतर वेस्ट इंडिजचा पहिला खेळाडू होण्याचा मान मिळवला आहे. 2002 नंतर एकाही वेस्ट इंडिज खेळाडूला भारतात कसोटीत शतक झळकावता आलं नाही.

तिसऱ्या दिवशी कॅम्पबेलने संयम आणि आक्रमकता यांचा योग्य ताळमेळ साधत 145 बॉलमध्ये 87 रन्सची झुंजार खेळी केली आणि शाई होप (66 रन्स नॉटआऊट) सोबत 138 रन्सची अभेद्य पार्टनरशिप रचून मॅचला कलाटणी दिली. मॅचच्या तिसऱ्या दिवसाखेर तो नॉटआऊट राहिल्याने टीम इंडियाच्या विजयाची वाटचाल थोडी लांबवली. अखेर जडेजाने जॉन कॅम्पबेल याची विकेट घेतली.

वेस्ट इंडिज प्लेइंग इलेव्हन : जॉन कॅम्पबेल, टॅगेनारिन चंद्रपॉल, ॲलिक अथानाझे, शाई होप, रोस्टन चेस (कॅप्टन), टेविन इम्लाच (विकेटकीपर), जस्टिन ग्रीव्हस, जोमेल वॅरिकन, खारी पियरे, अँडरसन फिलिप आणि जेडेन सील्स.

टीम इंडिया प्लेइंग ईलेव्हन : यशस्वी जैस्वाल, केएल राहुल, साई सुदर्शन, शुबमन गिल (कॅप्टन), ध्रुव जुरेल (विकेटकीपर), रवींद्र जडेजा, वॉशिंग्टन सुंदर, नितीश कुमार रेड्डी, कुलदीप यादव, जसप्रीत बुमराह आणि मोहम्मद सिराज.