IND vs ENG : 20 जूनपूर्वीचं इंग्लंडचं वाढणार टेंशन, IPL मध्ये डोकेदुखी ठरणाऱ्या दिल्लीच्या खेळाडूची होणार एन्ट्री!

रोहित शर्मा आणि विराट कोहली यांनी कसोटी क्रिकेटमधून निवृत्ती घेतल्यानंतर केएल राहुलची जबाबदारी लक्षणीयरीत्या वाढली आहे. हे लक्षात घेऊन तो इंग्लंडविरुद्धच्या कसोटी मालिकेपूर्वी काही खास योजना आखत आहे. रिपोर्टनुसार, केएल राहुल लवकरच युकेला जाईल आणि इंडिया-अ संघाकडून खेळण्यासाठी उपलब्ध असेल. इंडिया अ संघ इंग्लंड लायन्सविरुद्ध दोन अनधिकृत कसोटी सामने खेळणार आहे. तो सोमवार, 1 जून रोजी इंग्लंडला रवाना होऊ शकतो. केएल राहुल 6 जूनपासून सुरू होणाऱ्या दुसऱ्या अनधिकृत कसोटी सामन्यात खेळू शकतो. कारण राहुल हा वरिष्ठ संघाचा भाग आहे. त्यामुळे, या सामन्यांमुळे त्याला खेळण्यासाठी आणि सामन्याच्या सरावासाठी वेळ मिळेल.