'मी काहीही चूक केली नाही, टीम इंडियाला ट्रॉफी हवी असेल, तर...', 72 तासानंतर नक्वीची पहिली रिएक्शन

दुबई : आशिया कपच्या ट्रॉफीवरून झालेल्या वादावर पाकिस्तान क्रिकेट बोर्ड तसंच आशियाई क्रिकेट परिषदेचा (एसीसी) प्रमुख मोहसिन नक्वी याने मौन सोडलं आहे. आशिया कप ट्रॉफीच्या वादाला 72 तास झाल्यानंतर नक्वीने या संपूर्ण घटनाक्रमावर प्रतिक्रिया दिली आहे. रविवारी भारताने आशिया कपच्या फायनलमध्ये पाकिस्तानचा पराभव केला, तेव्हाही आपण त्यांना ट्रॉफी द्यायला तयार होतो आणि आताही तयार आहोत. सूर्यकुमार यादव आणि त्याच्या टीमने एसीसीच्या ऑफिसमध्ये यावं आणि माझ्याकडून ट्रॉफी न्यावी, त्यांचं स्वागत आहे, असं नक्वी म्हणाला आहे.