पाकिस्तान-दक्षिण आफ्रिका सामना संकटात, लाहोरच्या रस्त्यावर हैदौस, पोलिसांवर दगडफेक, हत्यारे चोरली!

लाहोर : दक्षिण आफ्रिकेची क्रिकेट टीम पाकिस्तानच्या दौऱ्यावर आहे. दोन्ही देशांमध्ये 12 ऑक्टोबरपासून 2 टेस्ट मॅचच्या सीरिजला सुरूवात होणार आहे, पण हा सामना संकटात सापडला आहे, कारण लाहोरच्या रस्त्यावर कट्टरपंथी संघटना असलेल्या तहरीक-ए लब्बैक पाकिस्तान (TLP) ने हैदौस घातला आहे. टीएलपीचे हजारो समर्थक पोलिसांसोबत भिडले आहेत. लाहोरच्या रस्त्यावरची परिस्थिती इतकी खराब झाली की आंदोलकांनी पोलिसांच्या गाड्या आणि हत्यारे ताब्यात घेतली, तसंच पोलिसांवर दगडफेकही केली. यानंतर पोलिसांनी अश्रू धूराच्या नळकांड्या फोडल्या आणि रबरच्या गोळ्यांनी गोळीबार केला.