Trending:

कोणत्याही बॅट्समने 99.99 टक्के रिव्ह्यू घेतला असता, पण रोहितने संघासाठी केला त्याग ; DRS का घेतला नाही? समोर आलं मोठे कारण

Published by:Jaykrishna Nair

Last Updated:November 30, 2025 4:22 PM IST

Rohit Sharma: रांची वनडेमध्ये रोहित शर्माने विक्रमी 352वा षटकार ठोकत इतिहास रचला. पण पुढ्याच क्षणी टीमसाठी मोठा त्याग करत DRS न घेण्याचा त्याचा निर्णय क्रिकेटप्रेमींना भावूक करून गेला.

इम्पॅक्ट शॉटतुमचा गेटवे लेटेस्ट न्यूज

रांची: दक्षिण आफ्रिकेविरुद्ध रांची येथे सुरू असलेल्या पहिल्या वनडे सामन्यात भारताचा सलामीवीर आणि हिटमॅन रोहित शर्माने ऐतिहासिक विक्रम स्वत:च्या नावावर केला. आधी रोहितने विराटसोबत शतकी भागिदारी केली. ही भागिदारी करत असताना त्याने 57 धावांची खेळी केली. अर्धशतक पूर्ण होताच रोहितने षटकार मारला आणि हा षटकार वनडे क्रिकेटमधील विक्रम षटकार ठरला.

रोहितने 20व्या ओव्हरच्या चौथ्या चेंडूवर षटकार मारला. हा त्याच्या वनडे करिअरमधील 352वा षटकार ठरला आणि त्याने पाकिस्तानच्या शाहित आफ्रिदीच्या 351 षटकारांचा विक्रम मागे टाकला.

रोहित आणि विराट ही जोडी मोठी धावसंख्या करेल असे वाटत होते. मात्र 22व्या षटकातील दुसऱ्या चेंडूवर रोहित LBW बाद झाला. मार्को जॅनसेनने त्याची विकेट घेतली. मार्को यान्सनने टाकलेल्या बॅक-ऑफ-लेन्थ चेंडूवर रोहित शर्मा एल्बीडब्ल्यू झाला. चेंडू अपेक्षेइतका उंच न उचलल्याने रोहित पुल शॉट खेळताना क्रीजमध्येच अडकल्यासारखा झाला आणि चेंडू थेट मागच्या मांडीवर आदळला. आफ्रिकेच्या खेळाडूंनी अपील केले आणि अंपायरने रोहितला आऊट दिले.

अंपायरच्या निर्णयावर रोहितला DRS घेण्याचा पर्याय होता. DRS घ्याचा की नाही यावर चर्चा करण्यासाठी तो विराटजवळ आला दोघांच्यात चर्चा झाली आणि रोहितने रिव्ह्यू न घेता पॅव्हेलियनकडे जाण्याचा निर्णय घेतला. रोहित सारख्या महत्त्वाच्या खेळाडूला जेव्हा अंपायर LBW बाद देतात. तेव्हा शक्यतो त्यावर रिव्ह्यू घेतला जातो. वर्ल्ड क्रिकेटमध्ये हे अनेकदा दिसले आहे की असे खेळाडू रिव्ह्यू घेतात. मात्र रोहितने संघाचा विचार करून रिव्ह्यू घेतला नाही. रोहित बाद होता पण अंपायरचा निर्णय चुकेल असा विचार करून रोहितने रिव्ह्यू घेण्या ऐवजी हा रिव्ह्यू वाया घालवण्या ऐवजी संघासाठी राखून ठेवला.

रोहित जेव्हा बाद झाला तेव्हा त्याने 111.76च्या स्ट्राइक रेटने 5 चौकार आणि 3 षटकारांसह 51 चेंडूत 57 धावा केल्या होत्या. मात्र नेहमीच संघाचा विचार करणाऱ्या आणि संघासाठी खेळणाऱ्या रोहितने यावेळी मोठे बलिदान दिले. रोहितच्या या निर्णयाचे सर्वजण कौतुक करत आहेत.

view comments

Location :

Mumbai,Maharashtra

First Published :

November 30, 2025 4:22 PM IST

कोणत्याही बॅट्समने 99.99 टक्के रिव्ह्यू घेतला असता, पण रोहितने संघासाठी केला त्याग ; DRS का घेतला नाही? समोर आलं मोठे कारण