जगातील सर्वात विचित्र जीव; त्याला एक-दोन नव्हे तर तब्बल 200 डोळे, दुर्बिणीसारखं करतात काम

xcorr.net च्या अहवालानुसार, स्कॅलपचे डोळे अतिशय अद्वितीय असतात, ते लहान आणि सुमारे 1 मिलीमीटर रुंद असतात. हे डोळे स्कॅलपच्या आवरणाच्या बाजूला असतात, जे मानवी डोळ्यांसह बहुतेक प्राण्यांच्या डोळ्यांपेक्षा बरेच वेगळे आहेत. यामध्ये प्रकाशावर लक्ष केंद्रित करण्यासाठी लेन्सऐवजी Concave Mirrors आहेत. त्याचे डोळे परावर्तित दुर्बिणीसारखे असतात. प्रत्येक डोळ्यात दोन रेटिना असतात. तुम्हाला हे जाणून देखील आश्चर्य वाटेल, की स्कॅलपचे डोळे खराब झाल्यास सुमारे 40 दिवसात त्याचे डोळे पुन्हा निर्माण होऊ शकतात.

स्कॅलप जसजसा वाढतो तसतसे डोळे कमी असलेल्या ठिकाणीही नवीन डोळे वाढतात. त्यांनी असंही सांगितलं की, 'स्कॅलप पोहण्यासाठी जेट प्रोपल्शन वापरतात.' विकिपीडियानुसार, या मॅकेनिज्म अंतर्गत ते पाणी आत घेण्यासाठी त्यांचे वाल्व उघडतात आणि बंद करतात आणि नंतर वेगाने पाणी सोडण्यासाठी ते पुन्हा बंद करतात. या तंत्राला पल्स्ड जेट प्रोपल्शन म्हणतात, जे हाय थ्रस्ट तयार करतं, ज्यामुळे हा जीव पुढे जाण्यास सक्षम होतो. स्कॅलप हा एक प्रकारचा मोलस्क आहे. ते जगातील सर्व महासागरांमध्ये आढळतात.