Indian Railways: ट्रेनने प्रवास करणाऱ्या व्यक्तीच्या सामानातून आला आवाज, 'आत काय आहे?' GRP नं बॅग उघडताच जे दिसलं ते धक्कादायक

शुक्रवारी एका प्रवाशाने मेला स्पेशल ट्रेनमध्ये चढताच, त्याच्या बॅगेतून एक आवाज आला. ज्यामुळे रेल्वे पोलिसांना थोडा संशय आला. त्यांनी बॅगेत काय आहे? असं व्यक्तीला विचारलं असता. महागडं सामान आहे असं उत्तर मिळालं, पण तपासणी दरम्यान GRP नी त्याची बॅग उघडली आणि त्यांना त्या बॅगेत पाण्याच्या बाटल्या आढळल्या. पण त्या बाटलीच्या आत होती धक्कादायक गोष्ट. खरंतर त्या बॅगेतील बाटल्यांमध्ये पाण्याच्या जागी होती अवैध दारू.

पोलिसांनी दिलेल्या माहितीनुसार, आरोपीचं नाव रोहित कुमार असून तो बिहारमधील गांधी मैदान पोलीस ठाण्याच्या हद्दीतल्या लाला जी टोला परिसरातला रहिवासी आहे. तो प्रयागराजहून ट्रेनमध्ये चढला होता.

यावेळी मेहताब खान आणि प्रदीप पाल हे रेल्वे पोलीस ड्युटीवर होते. त्यांनी वेळेवर कारवाई करत आरोपीला अटक केली आणि पुढील तपासासाठी त्याला ताब्यात घेतलं.

ही घटना दाखवते की आपण ट्रेनने किंवा सार्वजनिक ठिकाणी किती सतर्क राहाण्याची गरज आहे. कारण सामान्य वाटणाऱ्या गोष्टींमधूनही गुन्हा होऊ शकतो.