प्रेमात मिळाला धोका, इंटिमेट सीन्सने खळबळ उडवली; आज ही अभिनेत्री 1,20,00,00,000 ची मालकीण

साऊथ ते बॉलिवूडपर्यंत आपल्या सौंदर्याने, अभिनयाने आणि डान्सने प्रेक्षकांना घायाळ करणारी अभिनेत्री. तिच्या मेहनतीने आणि चिकाटीने तिने स्वतःसाठी अशी ओळख निर्माण केली की आज सर्वजण तिच्यासाठी वेडे आहेत. तिच्या संपत्तीचा आकडा वाचून तर शॉकच व्हाल.

आपण बोलत असलेली ही अभिनेत्री दुसरी तिसरी कोणी नसून तमन्ना भाटिया आहे. तमन्नाचा जन्म 21 डिसेंबर 1989 रोजी मुंबईत झाला. वडील संतन भाटिया हे डायमंड व्यापारी आणि आई संध्या भाटिया गृहिणी आहेत. तिचे शिक्षण मानेकजी कूपर स्कूल आणि नंतर नॅशनल कॉलेज मुंबईत झाले.

वयाच्या फक्त 13व्या वर्षीच तिने पृथ्वी थिएटरमध्ये अभिनय शिकायला सुरुवात केली. 2005 मध्ये तमन्नाने चांद सा रोशन चेहरा या चित्रपटातून बॉलिवूडमध्ये डेब्यू केला. त्याच वर्षी श्री या तेलुगू चित्रपटातून ती दक्षिणेकडे झळकली. सुरुवातीचे काही चित्रपट अपयशी ठरले, पण तिने हार मानली नाही.

हळूहळू तमन्नाने हिंदी आणि दक्षिण या दोन्ही इंडस्ट्रीत आपली वेगळी ओळख निर्माण केली. आज तिच्या खात्यात 89 पेक्षा जास्त चित्रपट आणि 5 वेब सिरीज आहेत. बाहुबली, 100% लव्ह, एफ2, जैलर, देवी, धर्मदुराई आणि सये रा नरसिंह रेड्डी हे तिचे मोठे हिट चित्रपट ठरले. तिची आयटम सॉंगही लोकप्रिय झाली. यामध्ये कावला, संपगी, स्विंग जरा, जोकाये आणि आज की रात ही विशेष हिट ठरली.

तमन्नाचे नाव अनेक अभिनेत्यांशी जोडले गेले, पण सर्वाधिक चर्चेत आले ते अभिनेता विजय वर्मासोबतचे नाते. दोघांनी लस्ट स्टोरीज 2मध्ये एकत्र काम केले आणि तेथून जवळीक वाढली.

पण 2025 मध्ये त्यांचे ब्रेकअप झाले. कारण तमन्ना लग्नासाठी तयार होती, पण विजयने करिअरवर लक्ष केंद्रित करण्याचा निर्णय घेतला. लस्ट स्टोरीज 2 आणि जी कर्दामधील इंटिमेट सीनसाठी तमन्नाला खूप टीकेचा सामना करावा लागला. तरीही तिने आपला आत्मविश्वास टिकवला.

आज तमन्नाची एकूण संपत्ती जवळपास 120 कोटी रुपये आहे. ती चित्रपट, ब्रँड एंडोर्समेंट, स्टेज शो आणि सोशल मीडियामधून कमाई करते. तिच्याकडे बीएमडब्ल्यू, मर्सिडीज आणि रेंज रोव्हर अशा लक्झरी गाड्या आहेत. ती मुंबईतील एका आलिशान अपार्टमेंटमध्ये राहते.