ऐकावं ते नवल! गरीब होताच जातो टॉयलेटमध्ये, बाहेर येताच होतो करोडपती, कसं काय?

हे ऐकायला जितकं विचित्र वाटतं तितकंच ते इंटरेस्टिंग आहे. पॉटी विकून खरोखरच इतके पैसे कमवता येतात का? असा प्रश्न पडतो. तर हो. हे खरं आहे. ह्युमन मायक्रोब्स आणि गुडनेचर सारख्या काही कंपन्या निरोगी लोकांकडून मल दान करण्यासाठी पैसे देतात. ह्युमन मायक्रोब्स प्रति स्टूल नमुन्यासाठी 500 डॉलर म्हणजे सुमारे 42000 रुपये देतात, जे दररोज दान केल्यास दरवर्षी 180000 डॉलर्स म्हणजे सुमारे सुमारे 1.5 कोटीपर्यंत कमवू शकतात. गुडनेचरमध्ये मलदात्यांना दरमहा 1500 डॉलर्स म्हणजे सुमारे 1.25 लाख रुपयांपर्यंत मिळू शकतात.

वैद्यकीय शास्त्रात मल दानाचे महत्त्व वाढत आहे. फेकल माइक्रोबायोटा ट्रांसप्लांट म्हणजेच FMT द्वारे निरोगी व्यक्तीचं मल आजारी व्यक्तीच्या आतड्यात प्रत्यारोपित केलं जातं, ज्यामुळे आतड्यांमधील बॅक्टेरियाचं संतुलन पुनर्संचयित होतं. ही उपचारपद्धती C. diff, Crohn's disease आणि ulcerative colitis सारख्या आजारांमध्ये प्रभावी ठरत आहे. परंतु तज्ज्ञांनी असा इशारा दिला आहे की तपासणीशिवाय मल दान करणं धोकादायक ठरू शकतं. कारण त्यात बॅक्टेरिया, विषाणू किंवा परजीवी संक्रमित होण्याचा धोका असतो.