5 वर्षांपासून घरात राहात होता व्यक्ती; अचानक दिसली एक सिक्रेट रूम, दरवाजा उघडताच चक्रावून गेला

ऑनलाइन शेअर केलेल्या या व्हिडिओमध्ये, त्या व्यक्तीला आढळलं की त्याच्या जेवणाच्या खोलीच्या तपकिरी दगडाच्या भिंतीतून दोन विटा काढल्या जाऊ शकतात. यानंतर त्याला कुलूप दिसलं, जे उघडल्यावर दरवाजा उघडला जो उर्वरित भिंतीमध्ये पूर्णपणे लपलेला होता. दार उघडल्यावर त्याला वॉर्डरोबच्या आकाराची खोली दिसली.

Reddit वर व्हिडिओ पोस्ट करण्यात आला होता, "या घरात 5 वर्षे राहिलो, जेवणाच्या खोलीच्या मागे एका छोट्या स्टोरेज रूमकडे जाणारा एक गुप्त दरवाजा आहे हे कधीही लक्षात आलं नाही." असं कॅप्शन याला देण्यात आलं. बऱ्याच लोकांना हे पाहून धक्का बसला आणि त्यांनी त्याची तुलना भयानक स्वप्नाशी केली. एकाने कमेंट केली, "कल्पना करा की ते उघडून पाहिलं आणि समजलं की कोणीतरी बऱ्याच काळापासून आतमध्ये राहात आहे."