शेजाऱ्याने तुमचा शेतात जाण्याचा रस्ता बंद केलाय का? अशा परिस्थितीत काय करायचं?

मुंबई : ग्रामीण भागातील शेतकऱ्यांमध्ये जमिनीवरून अनेकदा वाद उद्भवतात. विशेषतः शेतीला जाणाऱ्या रस्त्यांवरून निर्माण होणारे वाद अधिक सामान्य झाले आहेत. शेतकरी आपली शेती करण्यासाठी ट्रॅक्टर, खतं, बी-बियाणे, पाण्याची सोय आणि शेतमाल वाहतूक करण्यासाठी रस्त्यांवर अवलंबून असतो. पण अनेक वेळा शेजारी शेतकरी, मुद्दाम किंवा गैरसमजातून रस्ता अडवतो, ज्यामुळे दुसऱ्या शेतकऱ्याला त्रास सहन करावा लागतो. हे वाद अनेकदा कोर्टापर्यंत पोचतात. या पार्श्वभूमीवर कायद्याचा आधार घेऊन शेतकऱ्यांना आपल्या हक्कांचा उपयोग करून घेता येतो.