गृहिणी दिवाळीच्या कामात व्यस्त
दिवाळीच्या सणामध्ये घरोघरी रांगोळ्या सजतात. दिवाळी प्रत्येक घरी आकर्षक रांगोळी काढली जाते. माता लक्ष्मीचे स्वागत करण्यासाठी मोठमोठ्या रांगोळी काढल्या जातात. दिवाळीच्या सणामध्ये प्रत्येक घरातील गृहिणी फराळ किंवा स्वच्छता या कामांमध्ये व्यस्त दिसून येते. या सर्व व्यस्ततेमुळे रांगोळीसाठी वेळ मिळत नाही.
फक्त चाळणीचा वापर करून काढा आकर्षक रांगोळी, पाहा दिवाळी स्पेशल टिप्स
advertisement
रांगोळ्यांमध्ये आकर्षक रंग
रांगोळीमध्ये भरलेल्या रंगांनी रांगोळी अधिकच खुलून दिसत असते. त्यामुळे रांगोळ्यांमध्ये विशिष्ट प्रकारचे कॉम्बिनेशन करून रांगोळी अधिक आकर्षक बनविली जाते. मात्र व्यस्ततेमुळे रांगोळी काढावी कशी हे देखील अनेकदा सुचत नसतं. त्यामुळे वेळेत वेळ वाचवणारी रांगोळी सहजच कोणीही काढू शकेल. या रांगोळ्यांमध्ये तुम्हाला तुमच्या आवडीचे आकर्षक रंग भरून पोरस किंवा अंगणामध्ये काढणे सोपे होईल.
ठिपक्यांची रांगोळी, संस्कार भारती अशा प्रकारच्या रांगोळी तुम्ही अगदी पाच मिनिटांत काढू शकता. तसेच रांगोळीसाठी वेगवेगळ्या डिझाईनचे सेट मिळतात तेही वापरू शकता. मात्र, स्वत:च्या हातानं रांगोळी रेखाटण्याचा आनंद घ्यायचा असेल तर सोप्या पद्धतीनं 5 प्रकारची रांगोळी रेखाटता येते, असे रांगोळी कलाकार वृषाली बकाल सांगतात.