ख्रिसमस अवघ्या एका दिवसावर आला असून, ख्रिसमसचा जल्लोष सुरु झाला आहे. सध्या सर्वांना नव्या वर्षाच्या स्वागताचे वेध लागले आहेत. रात्री 1.30 पर्यंत हॉटेल, बार सुरु ठेवण्यास परवानगी आहे. मात्र, 24, 25 आणि 31 डिसेंबर या तीन दिवसात पहाटे 5 वाजेपर्यंत परमीट रुम, ऑर्केस्ट्रा बार, बीयर बार सुरु ठेवण्यास परवानगी मिळाली आहे. ही सगळी ठिकाणं शहरी भागात पहाटे 5 पर्यंत तर ग्रामीण भागात 1 वाजेपर्यंत सुरु राहणार आहेत. तसेच या तीन दिवशी शहरी भागात वाईन शॉप रात्री 1 वाजेपर्यंत तर ग्रामीण भागात रात्री 11 पर्यंत खुली राहणार आहेत.
advertisement
Mhada Lottery 2024: हक्काच्या घराचं स्वप्न साकार करण्याची संधी, ‘म्हाडा’ अर्जासाठी मुदतवाढ
खुल्या जागी होणाऱ्या संगीत कार्यक्रमांसाठी मध्यरात्री 12 वाजेपर्यंत परवानगी देण्यात येणार आहेत. मात्र, सार्वजनिक शांतता, कायदा व सुव्यवस्थेचा प्रश्न उद्भवल्यास दिलेली वेळ शिथिल करण्याचे अधिकार जिल्हाधिकाऱ्यांना देण्यात आले आहेत. 31 डिसेंबरच्या निमित्ताने अवैध दारू विक्रीवर राज्य उत्पादन शुल्क आणि पोलीस विभागांच्या पथकांचे लक्ष असणार आहे.
तर नव्या वर्षात तुरुंगवारी
दारू पिऊन वाहन चालवताना आढळले तर तळीरामांना नव्या वर्षाच्या पहिल्याच दिवशी पोलीस कोठडीची हवा खावी लागणार आहे. त्यामुळे अनेक नियम आणि कायदे लक्षात ठेऊन हे 3 दिवस मज्जा करता येऊ शकते. दिलेले नियम न पाळल्यास नव्या वर्षाच्या पहिल्याच दिवशी पोलीस कोठडीचे दर्शन होऊ शकते. त्यामुळे वेळीच खबरदारी घ्यावी लागणार आहे.