Richest TV Actress : बनायचं होतं IAS, पण झाली हिरोईन; TV गाजवणाऱ्या अभिनेत्रीने जमवली इतकी संपत्ती, 6 पिढ्या बसून खातील

मुंबई: चित्रपट आणि टीव्ही इंडस्ट्री अशी आहे, जिथे काही संधी आयुष्यभराची आर्थिक स्थिरता देऊ शकतात. एकेकाळी IAS अधिकारी होण्याचे स्वप्न पाहणाऱ्या एका अभिनेत्रीने छोट्या पडद्यावरच्या संधीचे यशात रूपांतर केले.

आज तिने केवळ अभिनयातच नाही, तर संपत्तीच्या बाबतीतही एक मोठे साम्राज्य उभे केले आहे. तिच्या एका सहकलाकाराने नुकताच एक धक्कादायक खुलासा केला आहे की, या अभिनेत्रीने इतकी संपत्ती कमावली आहे की, ती तिच्या सहा पिढ्यांनाही पुरेल! ५२ वर्षीय ही लोकप्रिय स्टार आजही आपल्या मोहक अदांनी तिच्या चाहत्यांना घायाळ करते.

ही अभिनेत्री दुसरी-तिसरी कोणी नसून, 'कहानी घर घर की', 'बड़े अच्छे लगते हैं' आणि 'बालिका वधू' सारख्या हिट मालिकांमधून घराघरात पोहोचलेली साक्षी तन्वर आहे. एका मुलाखतीत तिचा सहकलाकार राम कपूर याने कमेंट केली होती की, साक्षीने इतकी संपत्ती जमवली आहे की, ती तिच्या सहा पिढ्यांसाठी पुरेल!

१९७३ मध्ये राजस्थानमध्ये जन्मलेल्या साक्षी तन्वरचे वडील निवृत्त CBI अधिकारी होते. साक्षी स्वतः एक हुशार विद्यार्थिनी होती आणि वडिलांप्रमाणे सिव्हिल सर्व्हिसमध्ये जाण्याचे तिचे स्वप्न होते. १९९८ मध्ये एका मित्राच्या विनंतीवरून ती दूरदर्शनच्या एका कार्यक्रमाच्या ऑडिशनला गेली आणि तिच्या आयुष्याचा प्रवास बदलला.

तिने सुरुवातीला टीव्ही प्रेझेंटर म्हणून काम केले. पण 'कहानी घर घर की' मालिकेत 'पार्वती'ची भूमिका साकारून ती देशभरातील कुटुंबांची लाडकी सून बनली. ही मालिका आठ वर्षे यशस्वीपणे चालली. तिचा अभिनय छोट्या पडद्यापुरता मर्यादित राहिला नाही. आमिर खानच्या 'दंगल' या ब्लॉकबस्टर चित्रपटात तिने साकारलेल्या भूमिकेमुळे तिला सिनेविश्वात मोठी ओळख मिळाली.

साक्षी तन्वर सध्या ५२ वर्षांची असूनही तिने लग्न केलेले नाही, पण २०१८ मध्ये तिने एका मुलीला दत्तक घेऊन मातृत्वाचा स्वीकार केला आहे. साक्षी तन्वरची सध्याची अंदाजित संपत्ती ५० कोटींहून अधिक आहे.

इतके यश मिळवूनही साक्षी तिच्या साधेपणासाठी आणि आर्थिक शिस्तीसाठी ओळखली जाते. ती महागड्या वस्तू आणि आलिशान खर्च टाळते. राम कपूरने सांगितल्यानुसार, "दीर्घकाळ पैसा कसा वाचवायचा याचे साक्षी तन्वर एक उत्तम उदाहरण आहे."