TRENDING:
ही बस इंदापूर येथून सकाळी 11.45 वाजता मार्गस्थ होऊन जंक्शन, नातेपुते, शिंगणापूर, दहीवडी, वडूज, पुसेसावली, कराड आणि कोल्हापूर असा प्रवास करत सायंकाळी 7.40 वाजता आदमापूर येथे पोहोचणार आहे. परतीच्या फेरीत ही बस आदमापूर येथून सकाळी 5.30 वाजता निघून दुपारी 1.25 वाजता इंदापूर येथे दाखल होणार आहे.
पुणेकरांनो एक मिनिटही घराचा दरवाजा उघडा ठेवू नका; क्षणभराची चूक पडतेय महागात, 4 धक्कादायक घटना समोर
advertisement
संत बाळुमामा दर्शनासाठी जाणाऱ्या भाविकांना सुविधा
दररोजच्या बसफेरीसोबतच पौर्णिमा आणि अमावस्येच्या दिवशी संत बाळुमामा दर्शनासाठी जाणाऱ्या भाविकांकडून या सेवेचा चांगला प्रतिसाद मिळण्याची शक्यता आहे. त्यामुळे प्रवाशांनी या विशेष बससेवेचा लाभ घ्यावा, असे आवाहन करण्यात आले आहे. नागरिकांच्या मागणीची दखल घेत डेपो मॅनेजर वैभव गोसावी आणि स्थानक प्रमुख संजय वायदंडे यांच्या मार्गदर्शनाखाली ही बससेवा सुरू करण्यात आली आहे. या निर्णयामुळे प्रवाशांचा प्रवास अधिक सोयीचा होणार असून, हा बदल प्रवाशांसाठी दिलासादायक ठरणार असल्याची माहिती नियंत्रक विक्रम चंदनशिवे यांनी दिली.