August Marathi Astrology: मराठी पंचागानुसार ऑगस्ट महिन्यातील शुभ-अशुभ दिन; श्रावणातील शुभ तिथी
- Published by:Ramesh Patil
Last Updated:
Marathi Astrology: मराठी पंचांगानुसार, २०२५ मध्ये श्रावण महिना २५ जुलै २०२५ (शुक्रवार) पासून सुरू होईल आणि २३ ऑगस्ट २०२५ (शनिवार) रोजी संपेल. शिव पूजेचा हा महिना असला तरी चातुर्मास असल्यानं शुभ कार्यांना मुहूर्त मिळणार नाहीत. पण...
मुंबई : जुलैनंतर आता ऑगस्ट महिना लवकरच सुरू होईल. शेवटचा आठवडा वगळता संपूर्ण ऑगस्टमध्ये मराठी श्रावण महिना असणार आहे. श्रावणात सर्वत्र महादेवाची पूजा केली जाते. मराठी पंचांगानुसार, २०२५ मध्ये श्रावण महिना २५ जुलै २०२५ (शुक्रवार) पासून सुरू होईल आणि २३ ऑगस्ट २०२५ (शनिवार) रोजी संपेल. शिव पूजेचा हा महिना असला तरी चातुर्मास असल्यानं शुभ कार्यांना मुहूर्त मिळणार नाहीत. पण तरीही काही छोटी-मोठी कामे, खरेदी यासाठी काही दिवस शुभ असणार आहेत. आज आपण ऑगस्ट महिन्यातील शुभ-अशुभ दिवस जाणून घेणार आहोत.
मराठी पंचागानुसार ऑगस्ट महिन्यातील शुभ दिन - दिनांक 3 (सकाळी सात नंतर) दिनांक 4 (सकाळी नऊपर्यंत) दिनांक 6, 7, 8 (दुपारी दोन पर्यंत) दिनांक 9, 10, 11, 12 (सकाळी नऊनंतर) दिनांक 14 15 17 18 सकाळी (सहा पर्यंत) दिनांक 19 20 (दुपारी दोन पर्यंत) दिनांक 24 25 26 27 28 29 (दुपारी बारापर्यंत).
advertisement
ऑगस्ट महिन्याचे अशुभ दिन -दिनांक 1, 2, 5, 13, 16, 21, 22, 23, 30, 31
ऑगस्ट महिन्यातील श्रावणी सोमवार:
दुसरा श्रावणी सोमवार: ४ ऑगस्ट २०२५
तिसरा श्रावणी सोमवार: ११ ऑगस्ट २०२५
चौथा श्रावणी सोमवार: १८ ऑगस्ट २०२५
रक्षाबंधन आणि नारळी पौर्णिमा: ९ ऑगस्ट २०२५ (शनिवार)
advertisement
जन्माष्टमी: १५/१६ ऑगस्ट २०२५ (शुक्रवार/शनिवार) - हा सण श्रावण महिन्यातच येतो.
श्रावण सोमवारची पूजा विधी -
श्रावण सोमवारी सकाळी लवकर उठून स्नान करावे आणि स्वच्छ वस्त्र परिधान करावे. पूजेपूर्वी हातात पाणी घेऊन 'मी आज श्रावण सोमवारचे व्रत करत आहे' असा संकल्प करावा. घरात शिवलिंग असल्यास त्याची पूजा करावी. नसल्यास, मातीचे शिवलिंग तयार करून त्याची पूजा करू शकता. शिवलिंगावर गंगाजल किंवा शुद्ध पाणी अर्पण करावे. त्यानंतर दूध, दही, तूप, मध आणि साखरेचे मिश्रण (पंचामृत) अर्पण करावे. हे सर्व पदार्थ एकेक करून अर्पण करावेत आणि प्रत्येक वेळी 'ओम नमः शिवाय' हा मंत्र म्हणावा. पंचामृत अर्पण केल्यानंतर पुन्हा शुद्ध पाण्याने शिवलिंगाला अभिषेक करावा. शिवलिंगाला स्वच्छ वस्त्र अर्पण करावे. शिवलिंगाला चंदनाचा लेप लावावा. महादेवाला प्रिय असलेली फुले (धोतरा, आकडा, पांढरी फुले) अर्पण करावीत.
advertisement
बेलपत्र (३ पानांचे), शमीपत्र, धतुरा आणि आकड्याची पाने अर्पण करावीत. बेलपत्रावर 'ओम' किंवा 'राम' लिहून अर्पण करणे अधिक शुभ मानले जाते. महादेवाला भांग, धोतरा, नैवेद्य (दूध, मिठाई किंवा फळे) अर्पण करावे. धूप आणि दीप प्रज्वलित करावे. पूजेदरम्यान आणि त्यानंतर खालील मंत्रांचा जप करावा. शेवटी भगवान शंकराची आरती करावी. पूजा झाल्यावर प्रसाद वाटून स्वतःही ग्रहण करावा.
advertisement
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)
Location :
Mumbai,Maharashtra
First Published :
July 19, 2025 6:42 PM IST
मराठी बातम्या/राशीभविष्य/
August Marathi Astrology: मराठी पंचागानुसार ऑगस्ट महिन्यातील शुभ-अशुभ दिन; श्रावणातील शुभ तिथी
