तब्बल 100 वर्षांनी जुळून आलाय हा योग, या राशींना होणार मोठा फायदा

चतुर्ग्रही योग हा चार ग्रह मिळून बनणारा योग आहे. तब्बल 100 वर्षानंतर तुळा राशिमध्ये चार महत्त्वाचे ग्रह एकत्र येत आहेत. त्याचा मानवी जीवनावर फार मोठा प्रभाव पडणार आहे. यामध्ये प्रामुख्याने मंगळ, केतू, सूर्य आणि बुध असे चार ग्रह एकत्र येत आहेत. हे चार प्रमुख ग्रह तुळा राशीमध्ये भ्रमण करणार आहेत. तुळा राशी ही देवीची असल्याने सध्या नवरात्र सुरू आहे. त्यामुळे या राशींच्या लोकांना त्याचा फार मोठ्या प्रमाणात फायदा होणार आहे. याच दरम्यानच्या काळात दोन अद्भुत राजयोग देखील होणार आहे. बुधदीप्त योग आणि मंगळ व सूर्याचा मंत्र योग याचा देखील समावेश असून तो अनेकांसाठी फलदायी ठरणार आहे.

यापूर्वी 1923 साली हा योग घडून आला होता. त्यावेळी स्वातंत्र्याला नवी दिशा प्राप्त झाली होती. आता 2023 साली तब्बल 100 वर्षानंतर हा योग जुळून आला आहे. बुधाची मिथुन रास, शुक्राची तुळा रास, शुक्राची वृषभ रास, कर्काची रास या चार राशींसाठी हा कालावधी चांगले फळ देऊन जाणारा ठरेल. या चतुर्गही योगाचा प्रभाव दिवाळीपर्यंत जाणवेल. यामध्ये बुधाची मिथुन राशीच्या लोकांसाठी अडलेली काम होतील, लग्न जुळतील तसेच वैवाहिक जीवनात स्थिरता येईल, एखादे प्रॉपर्टी घेऊ इच्छिणाऱ्यांसाठी हा काळ फायदेमंद ठरेल, असंही ज्योतिर्वेद सांगतात.