Religious: मेलेल्यांच्या राखेवर 94 आकडा का लिहितात? भारतातील प्रसिद्ध तीर्थक्षेत्री आजही ही परंपरा

मणिकर्णिका घाटाबद्दल अनेक प्राचीन दंतकथा प्रचलित आहेत. स्कंद पुराण आणि काशी कांड सारख्या प्राचीन ग्रंथांमध्ये या घाटाचा उल्लेख आहे. नदीकाठी स्थित, हा घाट देवीच्या कुंडलाचे स्थान देखील मानला जातो. पौराणिक कथेनुसार, भगवान विष्णूने येथे तपश्चर्या केली आणि आपल्या सुदर्शन चक्राने मणिकर्णिका कुंड खोदले, तिथे त्यांचे रत्न आणि देवी पार्वतीचे कानातले पडले, म्हणून या ठिकाणाचं नाव मणिकर्णिका असे पडले.

चितेच्या राखेवर 94 हा आकडा लिहिण्याची प्रथा - येथे प्रेतांच्या राखेने 94 हा आकडा लिहिण्याची प्रथा आहे. अंत्यसंस्कार केल्यानंतर चितेचा अग्नी थंड होण्यापूर्वी काठी किंवा बोटाने 94 हा आकडा लिहितो. या आकड्याचे विशेष महत्त्व आहे. ही आकडा लिहून, व्यक्तीच्या तत्काळ मुक्तीसाठी भगवान शिव यांना प्रार्थना केली जाते. त्यानंतर चितेजवळ पाण्याने भरलेले भांडे उलटे फोडले जाते आणि पुढे जातात. काशीच्या विद्वानांच्या मते, 94 या आकड्याला मुक्ती मंत्र म्हणतात. प्रत्येक मानवामध्ये 94 गुण (मुक्ती मंत्र) असतात. या गुणांमध्ये आपल्या कृतींनुसार चढ-उतार होऊ शकतात. असे मानले जाते की भगवान ब्रह्मा प्रत्येक मानवाला सहा महत्त्वाचे गुण प्रदान करतात. ज्या व्यक्तीकडे हे गुण आहेत त्याला सर्व गुण प्राप्त होतात.

94 क्रमांक, मोक्षप्राप्तीचे केंद्र - काशीमध्ये जेव्हा एखाद्या वृद्ध किंवा मरणासन्न व्यक्तीचे अंत्यसंस्कार केले जातात तेव्हा हे 94 गुण शरीराला समर्पित केले जातात. हा विधी आत्म्याला मोक्ष आणि मुक्ती मिळवून देतो असे मानले जाते. असे मानले जाते की येथे अंत्यसंस्कार केल्याने हे 94 गुण प्रतीकात्मकपणे शरीराशी जोडले जातात, ज्यामुळे आत्म्याला स्वर्गाचा मार्ग मिळतो. मणिकर्णिका घाटावरील या विधीने काशीला आणखी महत्त्व दिलं आहे. दरवर्षी, वृद्ध लोक आणि विविध वयोगटातील लोक शेवटचे दिवस घालवण्यासाठी येथे येतात. अंत्यसंस्कार, 94 क्रमांकाचा विधी आणि घाटाशी संबंधित पारंपारिक श्रद्धा यामुळे काशी आध्यात्मिक विकास आणि मोक्षप्राप्तीचे केंद्र बनलं आहे.

(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)