Surya Grahan: 2 ऑगस्टला दिवसा होणार रात्र! पूर्ण 6 मिनिट सूर्य गायब; पुन्हा 100 वर्षांनी असा दुर्मीळ नजारा

नवी दिल्ली :  दिवसा अचानक काळाकुट्ट अंधार पडला तर कसं वाटेल ना? आणि तेही पूर्ण ६ मिनिटं. दिवसा अचानक सूर्य ६ मिनिटं अदृश्य झाला तर खरोखरच सर्वांना आश्चर्य वाटणं स्वाभाविक आहे. ही एक काल्पनिक कथा नसून असं प्रत्यक्षात घडणार आहे. २ ऑगस्ट २०२७ रोजी पूर्ण सूर्यग्रहण होणार आहे. या पूर्ण सूर्यग्रहणामुळे संपूर्ण आकाश दिवसा अंधारात बुडेल. असे सूर्यग्रहण पुन्हा पुढील १०० वर्षांपर्यंत दिसणार नाही. जगातील विविध खंडांवर राहणाऱ्या कोट्यवधी लोकांना हे दृश्य पाहता येणार आहे. असं सूर्यग्रहण पुन्हा २११४ साला पर्यंत पुन्हा दिसणार नाही.